ശബരിമലയില്‍ ഉത്രാട ദിനമായ ഇന്ന് രാവിലെ 5 മണിക്ക് ദര്‍ശനത്തിനായി നട തുറന്നു. ഓണത്തോട് അനുബന്ധിച്ച് ഉത്രാടം, തിരുവോണം, അവിട്ടം നാളുകളില്‍ സന്നിധാനത്ത് അയ്യപ്പഭക്തര്‍ക്ക് ഓണസദ്യ ഉണ്ടാകും.

മേല്‍ശാന്തിയുടെ വകയാണ് ഉത്രാട സദ്യ. തിരുവോണനാളില്‍ ദേവസ്വം ജീവനക്കാരാണ് സദ്യ നടത്തുന്നത്. അവിട്ടം നാളില്‍ സന്നിധാനത്ത് ഡ്യൂട്ടി നോക്കുന്ന പൊലീസ് ഉദ്യോഗസ്ഥരുടെ വകയാണ് സദ്യ. ഓണത്തോട് അനുബന്ധിച്ച പൂജകള്‍ പൂര്‍ത്തിയാക്കി ചതയ ദിനത്തില്‍ ശബരിമല നട അടയ്ക്കും.

അന്ന് രാത്രി 9.50 മുതല്‍ ചന്ദ്ര ഗ്രഹണം ആരംഭിക്കുന്നതിനാല്‍ രാത്രി 8.50 നു ഹരിവരാസനം പാടി 9 മണിക്കാകും നട അടയ്ക്കുന്നത്. താന്ത്രിക നിര്‍ദ്ദേശപ്രകാരമാണ് സമയ മാറ്റമുള്ളത്..