വി എസ് സുജിത്തിനെ പൊലീസ് ഉദ്യോഗസ്ഥര്‍ ക്രൂര മര്‍ദ്ദനത്തിന് ഇരയാക്കിയ സംഭവത്തില്‍ പ്രതിഷേധം ശക്തമാക്കി യൂത്ത് കോണ്‍ഗ്രസ്. യൂത്ത് കോണ്‍ഗ്രസ് മാടക്കത്തറ മണ്ഡലം കമ്മിറ്റിയുടെ നേതൃത്വത്തില്‍ തൃശൂര്‍ വെസ്റ്റ് സ്‌റ്റേഷനില്‍ ജോലി ചെയ്യുന്ന പ്രതിയായ സജീവന്റെ വീട്ടിലേക്ക് മാര്‍ച്ച് നടത്തി.

പ്രതി ചേര്‍ക്കപ്പെട്ട നാല് പൊലീസുകാരുടെയും ഫോട്ടോ പതിപ്പിച്ച പോസ്റ്ററുകളുമായിട്ടാണ് പ്രവര്‍ത്തകരെത്തിയത്. ഈ പോസ്റ്റര്‍ സമീപത്ത പോസ്റ്റുകളില്‍ പ്രവര്‍ത്തകര്‍ പതിപ്പിക്കുകയും ചെയ്തു. സംഭവത്തെ തുടര്‍ന്ന് സജീവന്റെ വീടിന് പൊലീസ് കാവല്‍ ഒരുക്കിയിട്ടുണ്ട്.