വയനാട്ടില്‍ എം.ഡി.എം.എയും കഞ്ചാവുമായി യുവാവ് പിടില്‍. പനമരത്തിനടുത്ത കമ്പളക്കാട് മടക്കിമല സ്വദേശി ചെറുവനശ്ശേരി അജ്‌നാസ് (32) ആണ് പിടിയിലായത്. ഇയാളില്‍ നിന്നും മാരകമയക്കുമരുന്നായ 1.25 ഗ്രാം എംഡിഎംഎയും, 0.870 ഗ്രാം കഞ്ചാവും പിടിച്ചെടുത്തു.

ഇയാളില്‍ നിന്നും എംഡിഎംഎ ഉപയോഗിക്കുന്നതിനുള്ള ഹുക്കയും മറ്റും കണ്ടെടുത്തിട്ടുണ്ട്. എസ്‌ഐമാരായ വി. രാജു, രാംലാല്‍, പൊലീസ് ഉദ്യോഗസ്ഥരായ എം.എ. ശിഹാബ്, എ.കെ. കൃഷ്ണദാസ്, പി. നിഷാദ്, അജികുമാര്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. അജ്‌നാസ് മുമ്പും സമാന കേസുകളില്‍ പോലീസിന്റെയും എക്‌സൈസിന്റെയും പിടിയിലായിട്ടുള്ളതായി പോലീസ് പറഞ്ഞു.