മുല്ലപ്പള്ളിയില്‍ ഭാര്യയെ കുത്തിക്കൊലപ്പെടുത്തിയശേഷം ഗൃഹനാഥന്‍ ജീവനൊടുക്കിയ നിലയില്‍. ഈസ്റ്റ് പോസ്‌റ്റോഫീസിന് സമീപത്തായിരുന്നു സംഭവം. പുലിയിടശേരിയില്‍ രഘുനാഥന്‍ (62) ഭാര്യ സുധ (55) എന്നിവരെയാണ് രാവിലെ മരിച്ചനിലയില്‍ കണ്ടത്. വീടിനുസമീപത്തെ ടോയ്‌ലറ്റില്‍ രഘുനാഥനെ തൂങ്ങിമരിച്ചനിലയിലും സുധയെ കുത്തേറ്റ് രക്തംവാര്‍ന്ന് മുറ്റത്ത് കിടക്കുന്ന നിലയിലുമാണ് കണ്ടെത്തിയത്.

എറണാകുളത്ത് ജോലിചെയ്യുന്ന മകന്‍ മാതാപിതാക്കളെ ഫോണില്‍ വിളിച്ചെങ്കിലും കിട്ടിയില്ല. തുടര്‍ന്ന് ഒരു സുഹൃത്തിനെ അന്വേഷിക്കാനായി പറഞ്ഞുവിട്ടു. ഇയാള്‍ വീട്ടിലെത്തിയപ്പോഴാണ് ഇരുവരെയും മരിച്ചനിലയില്‍ കണ്ടെത്തിയത്. കുടുംബവഴക്കാണ് സംഭവത്തിന് പിന്നിലെന്നാണ് കരുതുന്നത്.