തിരുവനന്തപുരത്ത് അപകടത്തില്‍ മധ്യവയസ്‌കന്‍ മരിച്ചു. ആഴാകുളം ചിറ്റാഴാകുളം മേലെ ചാനല്‍ക്കര വീട്ടില്‍ ബാബു (59) ആണ് മരിച്ചത്. തിരുവോണ ദിവസം രാത്രിയായിരുന്നു സംഭവം നടന്നത്.

ഓണാഘോഷ പരിപാടികള്‍ കണ്ട് വീട്ടിലേക്ക് നടന്നുപോവുകയായിരുന്നു ബാബു. ഈ സമയത്ത് റോഡ് മുറിച്ചുകടക്കുമ്പോള്‍ ബൈക്കിടിച്ചാണ് അപകടം സംഭവിച്ചത്. നാട്ടുകാര്‍ ഓടിക്കൂടി ഉടനെ ഇദ്ദേഹത്തെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. ഭാര്യ: ഷൈനി.മക്കള്‍: നിമിഷ ബാബു, നിഖില്‍ ബാബു. മൃതദേഹം പോസ്റ്റ്മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കി സംസ്‌കാര ചടങ്ങുകള്‍ നടന്നു.