ഇത്തവണത്തെ സംസ്ഥാന അധ്യാപക അവാര്‍ഡ് പൊതുവിദ്യാഭ്യാസ മന്ത്രി വി. ശിവന്‍കുട്ടി പ്രഖ്യാപിച്ചു. വിവിധ വിഭാഗങ്ങളിലായി 22 പേര്‍ക്കാണ് പുരസ്‌കാരം. എല്‍.പി, യു.പി, സെക്കന്ററി വിഭാഗങ്ങളില്‍ അഞ്ച് അധ്യാപകരെ വീതവും ഹയര്‍ സെക്കന്‍ഡറി വിഭാഗത്തില്‍ 4 അധ്യാപകരെയും, വൊക്കേഷണല്‍ ഹയര്‍സെക്കന്ററി വിഭാഗത്തില്‍ മൂന്ന് അധ്യാപകരെയുമാണ് അവാര്‍ഡിന് തെരഞ്ഞെടുത്തത്.

എല്‍.പി വിഭാഗത്തില്‍ നിന്നും 22, യു.പി. വിഭാഗത്തില്‍ നിന്നും 12, ഹൈസ്‌ക്കൂള്‍ വിഭാഗത്തില്‍ നിന്നും 19, ഹയര്‍ സെക്കന്ററി വിഭാഗത്തില്‍ നിന്നും ഒമ്പത്, വൊക്കേഷണല്‍ ഹയര്‍ സെക്കന്ററി വിഭാഗത്തില്‍ നിന്നും മൂന്ന് എന്നിങ്ങനെ ആകെ 65 ശുപാര്‍ശകള്‍ ലഭിച്ചിട്ടുണ്ടായിരുന്നു. ജില്ല കലക്ടര്‍ ചെയര്‍മാന്‍ ആയ ജില്ലാതല സെലക്ഷന്‍ കമ്മിറ്റിയാണ് ഇവരെ ശുപാര്‍ശ ചെയ്തത്.

ഇതില്‍നിന്ന് പാഠ്യ-പാഠ്യേതര രംഗങ്ങളിലെ പ്രവര്‍ത്തനം പരിഗണിച്ചും മാതൃക ക്ലാസ്സ് അവതരണം, അഭിമുഖം എന്നിവയിലെ പ്രകടനം വിലയിരുത്തിയുമാണ് പൊതുവിദ്യാഭ്യാസ പ്രിന്‍സിപ്പല്‍ സെക്രട്ടറി ചെയര്‍മാനും പൊതുവിദ്യാഭ്യാസ ഡയറക്ടര്‍ കണ്‍വീനറും എസ്.സി.ഇ.ആര്‍.ടി, എസ്.എസ്.കെ, എസ്.ഐ.ഇ.ടി എന്നീ സ്ഥാപനങ്ങളിലെ ഡയറക്ടര്‍മാരും അംഗങ്ങളായ സമിതി സംസ്ഥാന അവാര്‍ഡ് ജേതാക്കളെ തെരഞ്ഞെടുത്തത്.

അധ്യാപക അവാര്‍ഡുകള്‍ ഈ മാസം പത്തിന് ഉച്ച കഴിഞ്ഞ് 2.30 മണിക്ക് തിരുവനന്തപുരം ടാഗോര്‍ തിയേറ്ററില്‍ വച്ച് വിതരണം ചെയ്യും.

അവാര്‍ഡ് ജേതാക്കളുടെ പേരുവിവരങ്ങളിങ്ങനെ....

എല്‍.പി. വിഭാഗം
1. ബീന ബി., പി.ഡി. ടീച്ചര്‍ ഗവണ്‍മെന്റ് എല്‍.പി. സ്‌കൂള്‍, പാട്ടത്തില്‍, തിരുവനന്തപുരം
2. ബിജു ജോര്‍ജ്ജ്, പ്രഥമാധ്യാപകന്‍, സെന്റ് തോമസ് എല്‍.പി.എസ്., കോമ്പയാര്‍, ഇടുക്കി
3. സെയ്ത് ഹാഷിം കെ., വി.എല്‍.പി.എസ്.ടി.എ.യു.പി. സ്‌കൂള്‍, കുന്നുമ്മല്‍, മലപ്പുറം.
4. ഉല്ലാസ് കെ., കെ.എല്‍.പി.എസ്.ടി. (സീനിയര്‍ ഗ്രേഡ്) ഗവണ്‍മെന്റ് മുഹമ്മദന്‍സ് എച്ച്.എസ്.എല്‍.പി.എസ്., ആലപ്പുഴ
5 വനജകുമാരി കെ.എല്‍.പി.എസ്.ടി. എ.യു.പി. സ്‌കൂള്‍ കുറ്റിക്കോല്‍, കാസര്‍കോട്

യു.പി. വിഭാഗം
1. അജിത എസ്., യു.പി.എസ്.ടി പ്രബോധിനി യു.പി.എസ്., വക്കം, തിരുവനന്തപുരം
2. സജിത്ത് കുമാര്‍ വി.കെ., പി.ഡി. ടീച്ചര്‍ (യു.പി.എസ്.എ.) മധുസൂദനന്‍ തങ്ങള്‍ സ്മാരക ഗവണ്‍മെന്റ് യു.പി. സ്‌കൂള്‍ മട്ടന്നൂര്‍, കണ്ണൂര്‍
3. സൈജന്‍ ടി., ടി. യു. പി. എസ്. ടി. ഗവണ്‍മെന്റ് വി. എച്ച്. എസ്. എസ്., അയ്യന്തോള്‍, തൃശ്ശൂര്‍
4. അഷ്റഫ് മോളയില്‍, യു.പി.എസ്.ടി. ഗവ. എം.യു.പി.എസ്. അരീക്കോട്, മലപ്പുറം
5. മുഹമ്മദ് മുസ്തഫ ടി. പി. പി.ഡി. ടീച്ചര്‍ ഗവ. യു.പി. സ്‌കൂള്‍ പുറത്തൂര്‍, മലപ്പുറം

സെക്കന്‍ഡറി വിഭാഗം
1. ഗിരീഷ് പി., എച്ച്.എസ്.ടി. ഗണിതം കെ.എ.എച്ച്.എച്ച്.എസ്.എസ്., കോട്ടോപ്പാടം, പാലക്കാട്
2. സജിമോന്‍ വി. പി., ഫിസിക്കല്‍ എഡ്യുക്കേഷന്‍ ടീച്ചര്‍, സി.കെ. മെമ്മോറിയല്‍ ഹയര്‍ സെക്കന്ററി സ്‌കൂള്‍, കോരുത്തോട്, കോട്ടയം
3. വിന്‍സി വര്‍ഗ്ഗീസ്, ഹെഡ്മിസ്ട്രസ്സ്, സേക്രട്ട് ഹാര്‍ട്ട് സി.ജി.എച്ച്.എസ്.എസ്., തൃശ്ശൂര്‍
4. സജിത് കുമാര്‍ പി. എം. എച്ച്.എസ്.ടി. മലയാളം ഗവ. എച്ച്.എസ്.എസ്., മമ്പറം, ആയിത്തറ, കണ്ണൂര്‍
5. പ്രശാന്ത് എം., എച്ച്.എസ്.ടി. എസ്.ഐ. എച്ച്.എസ്.എസ്., ഉമ്മത്തൂര്‍, കോഴിക്കോട്

ഹയര്‍സെക്കന്‍ഡറി വിഭാഗം
1. കൊച്ചനുജന്‍ എന്‍., എച്ച്.എസ്. എസ്.ടി. ഹിസ്റ്ററി (സീനിയര്‍) ഗവണ്‍മന്റ് എച്ച്.എസ്.എസ്., കുലശേഖരപുരം, കൊല്ലം
2 സുധീര്‍ എം. പ്രിന്‍സിപ്പാള്‍, ഗവണ്‍മെന്റ് എച്ച്.എസ്.എസ്., കൊടകര, തൃശ്ശൂര്‍
3. രാധീഷ്‌കുമാര്‍ എന്‍, ജി.എച്ച്.എസ്. എസ്.ടി. (സെലക്ഷന്‍ ഗ്രേഡ്) എസ്. എന്‍. ട്രസ്റ്റ്സ് എച്ച്.എസ്.എസ്., പള്ളിപ്പാടം, ആലപ്പുഴ
4. നൗഫല്‍. എ, പ്രിന്‍സിപ്പാള്‍, ഗവണ്‍മെന്റ് എച്ച്.എസ്.എസ്. കിളിമാനൂര്‍, തിരുവനന്തപുരം

വൊക്കേഷണല്‍ ഹയര്‍ സെക്കന്‍ഡറി വിഭാഗം
1. ബിജു കെ. എസ്. , നോണ്‍ വൊക്കേഷണല്‍ ടീച്ചര്‍, കെമിസ്ട്രി, ഗവണ്‍മെന്റ് വി.എച്ച്.എസ്.എസ്., ചോറ്റാനിക്കര, എറണാകുളം
2. ഷൈനി ജോസഫ്, വൊക്കേഷണല്‍ ടീച്ചര്‍ ഇന്‍ എം.ആര്‍.ആര്‍.ടി.വി., ടി.ടി.ടി.എം. വി.എച്ച്.എസ്.എസ്., വടശ്ശേരിക്കര, പത്തനംതിട്ട
3. ഷൈജിത്ത് ബി. റ്റി. വൊക്കേഷണല്‍ ടീച്ചര്‍ ഇന്‍ കമ്പ്യൂട്ടര്‍ ആപ്ലിക്കേഷന്‍ ഗവണ്‍മെന്റ് വി.എച്ച്.എസ്.എസ്. (ബോയ്സ്), കൊട്ടാരക്കര, കൊല്ലം