വയനാട് ചീ​രാ​ൽ പു​ളി​ഞ്ചാ​ലി​ൽ വളർത്തു മൃഗങ്ങളെ ആക്രമിച്ച പുലി കൂട്ടിലായി. വനം വകുപ്പ് സ്ഥാപിച്ച കൂട്ടിലാണ് ഇന്നലെ രാത്രി പുലി കുടുങ്ങിയത്. രണ്ട് വയസുള്ള ആൺപുലിയാണ് കൂട്ടിൽ കുടുങ്ങി‍യതെന്ന് പ്രാഥമിക നിഗമനത്തിലുള്ളത്.

തമിഴ്നാട് അതിർത്തിയോട് ചേർന്നുള്ള ചീ​രാ​ലിൽ പുലിയും കരടിയും ഇറങ്ങുന്ന സ്ഥലമാണ്. വന്യമൃഗങ്ങൾ ചീരാലിലും സമീപ പ്രദേശങ്ങളിലും വളർത്തു മൃഗങ്ങളെ പിടികൂടുന്നത് സർവസാധാരണമായിരിക്കുകയാണ്.

കഴിഞ്ഞ ദിവസം പു​ളി​ഞ്ചാ​ലി​ൽ ഒ​ൻ​പ​ത് മാ​സം പ്രാ​യ​മു​ള്ള പ​ശു​ക്കി​ടാ​വി​നെ പു​ലി കൊ​ന്നിരുന്നു. കാ​ടം​തൊ​ടി സെ​യ്താ​ലി​യു​ടെ വീ​ട്ടു​വ​ള​പ്പി​ലെ തൊ​ഴു​ത്തി​ന് സ​മീ​പ​ത്താ​ണ് ചൊ​വ്വാ​ഴ്ച പു​ല​ർ​ച്ചെ ആ​ക്ര​മ​ണ​മു​ണ്ടാ​യ​ത്. രാ​വി​ലെ പ​ശു​വി​നെ ക​റ​ന്ന ശേ​ഷം പു​ല്ല് ന​ൽ​കാ​നാ​യി തൊ​ഴു​ത്തി​ലെ​ത്തി​യ​പ്പോ​ഴാ​ണ് സെ​യ്താ​ലി​യും കു​ടും​ബ​വും പ​ശു​ക്കി​ടാ​വി​നെ പാ​തി ഭ​ക്ഷി​ച്ച നി​ല​യി​ൽ ക​ണ്ടെ​ത്തി​യ​ത്. വി​വ​ര​മ​റി​ഞ്ഞ് സ്ഥ​ല​ത്തെ​ത്തി​യ വ​നം​ വ​കു​പ്പ് ഉ​ദ്യോ​ഗ​സ്ഥ​ർ ന​ട​ത്തി​യ പ​രി​ശോ​ധ​ന​യി​ൽ പ്ര​ദേ​ശ​ത്ത് ക​ണ്ടെ​ത്തി​യ കാ​ൽ​പ്പാ​ടു​ക​ൾ പു​ലി​യു​ടേ​താ​ണെ​ന്ന് സ്ഥി​രീ​ക​രി​ച്ചു.

നാ​ട്ടു​കാ​രു​ടെ പ്ര​തി​ഷേ​ധം ശ​ക്ത​മാ​യ​തോ​ടെ​യാ​ണ് പു​ലിയെ പിടികൂടാനായി പ​ശു​ക്കി​ടാ​വി​നെ കൊ​ന്നു​തി​ന്ന പു​ളി​ഞ്ചാ​ലി​ൽ വനം വകുപ്പ് കൂ​ട് സ്ഥാ​പി​ച്ചത്. ക​രി​ങ്കാ​ളി​കു​ന്നി​ൽ പു​ലി ശ​ല്യ​ത്തെ തുത്തു​ട​ർ​ന്ന് മു​മ്പ് സ്ഥാ​പി​ച്ച കൂ​ട് പു​ളി​ഞ്ചാ​ലി​ലേ​ക്ക് മാ​റ്റി സ്ഥാ​പി​ക്കു​ക​യാ​ണു​ണ്ടായ​ത്.