നാഷണൽ ഹെൽത്ത് മിഷന് കീഴിൽ ജില്ലാ ഹെൽത്ത് ആന്റ് ഫാമിലി വെൽഫയർ സൊസൈറ്റി എം എൽ എസ് പി ( മിഡ് ലെവൽ സർവീസ് പ്രൊവൈഡർ ) തസ്തികയിലേക്ക് അപേക്ഷ ക്ഷണിച്ചു. ആകെ 72 ഒഴിവുകളാണ് റിപ്പോർട്ട് ചെയ്തിരിക്കുന്നത്. മലപ്പുറം ജില്ലയിൽ ആയിരിക്കും നിയമനം. താൽപര്യവും യോഗ്യതയും ഉള്ള ഉദ്യോഗാർത്ഥികൾക്ക് ഒക്ടോബർ മൂന്ന് വരെ എം എൽ എസ് പി തസ്തികയിലേക്ക് അപേക്ഷിക്കാം.

ഓൺലൈൻ ആയിട്ടാണ് അപേക്ഷിക്കേണ്ടത്. അപേക്ഷകരുടെ പ്രായ പരിധി 01. 09. 2025 ന് പരമാവധി 40 വയസ് ആയിരിക്കണം. തിരഞ്ഞെടുക്കപ്പെടുന്നവർക്ക് പ്രതിമാസം 20,500 രൂപ ശമ്പളം ലഭിക്കും. കേരള നഴ്സസ് ആൻഡ് മിഡ്വൈഫസ് കൗൺസിൽ രജിസ്‌ട്രേഷൻ സർട്ടിഫിക്കറ്റോടെ ബി എസ് സി നഴ്സിംഗ് യോഗ്യതയുള്ളവർക്ക് അപേക്ഷ സമർപ്പിക്കാം. അല്ലെങ്കിൽ കേരള നഴ്സസ് ആൻഡ് മിഡ്വൈഫസ് കൗൺസിൽ, രജിസ്‌ട്രേഷൻ സർട്ടിഫിക്കറ്റുള്ള ജി എൻ എം ഉണ്ടായിരിക്കണം.

അപേക്ഷകർക്ക് കുറഞ്ഞത് ഒരു വർഷത്തെ പോസ്റ്റ് ക്വാളിഫിക്കേഷൻ പരിചയം. ഈ റിക്രൂട്ട്‌മെന്റിന് അപേക്ഷാ ഫീസ് ആവശ്യമില്ല. ഡോക്യുമെന്റ് വെരിഫിക്കേഷൻ, എഴുത്ത് പരീക്ഷ, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് യോഗ്യരായ അപേക്ഷകരെ തിരഞ്ഞെടുക്കുക. തിരഞ്ഞെടുക്കപ്പെടുന്നവരെ പഞ്ചായത്തുകൾക്ക് കീഴിലുള്ള ഹെൽത്ത് സെന്ററുകളിലോ താലൂക്ക് ആശുപത്രികളിലോ ആയിരിക്കും നിയമിക്കുക.

അപേക്ഷിക്കേണ്ട വിധം

www.arogyakeralam.gov.in എന്ന ഔദ്യോഗിക വെബ്സൈറ്റ് തുറക്കുക റിക്രൂട്ട്മെന്റ് / കരിയർ / പരസ്യ മെനു എന്നതിൽ മിഡ് ലെവൽ സർവീസ് പ്രൊവൈഡർ ( എം എൽ എസ് പി ) പോസ്റ്റുകളുടെ ജോബ് നോട്ടിഫിക്കേഷൻ കണ്ടെത്തി അതിൽ ക്ലിക്ക് ചെയ്യുക. അവസാനം നൽകിയിരിക്കുന്ന ലിങ്കിൽ നിന്ന് ഔദ്യോഗിക നോട്ടിഫിക്കേഷൻ ഡൗൺലോഡ് ചെയ്യുക. നോട്ടിഫിക്കേഷൻ ശ്രദ്ധാപൂർവ്വം വായിച്ച് നിങ്ങളുടെ യോഗ്യതാ മാനദണ്ഡങ്ങൾ പരിശോധിക്കുക.

ഓൺലൈൻ ഔദ്യോഗിക ഓൺലൈൻ അപേക്ഷ / രജിസ്‌ട്രേഷൻ ലിങ്ക് സന്ദർശിക്കുക. തെറ്റുകളില്ലാതെ ആവശ്യമായ വിശദാംശങ്ങൾ ശരിയായി പൂരിപ്പിക്കുക. ( അപേക്ഷ ഗൂഗിൾ ഫോം വഴിയാണ് സമർപ്പിക്കേണ്ടത് ). അറിയിപ്പിൽ സൂചിപ്പിച്ചിരിക്കുന്ന ഫോർമാറ്റിലും വലുപ്പത്തിലും ആവശ്യമായ എല്ലാ രേഖകളും അപ്ലോഡ് ചെയ്യുക. രജിസ്റ്റർ ചെയ്ത വിശദാംശങ്ങൾ ശരിയാണെന്ന് പരിശോധിച്ചതിന് ശേഷം സബ്മിറ്റ് ചെയ്യുക.