തലസ്ഥാനത്ത് വില്‍പ്പനയ്ക്കായി കഞ്ചാവെത്തിച്ച യുവാവ് പിടിയിലായി. കുന്നത്തുകാല്‍ വണ്ടിത്തടം ജംഗ്ഷനില്‍ വച്ചാണ് കഞ്ചാവുമായി ബൈക്കില്‍ സഞ്ചരിച്ച യുവാവ് എക്‌സൈസിന്റെ പിടിയിലാകുന്നത്. ഇന്നലെ ഉച്ചയ്ക്ക് പന്ത്രണ്ട് മണിയോടെ നെയ്യാറ്റിന്‍കര എക്സൈസ് ഇന്‍സ്പെക്ടര്‍ അജയകുമാറിന്റെ നേതൃത്വത്തിലുള്ള സംഘമാണ് മലയിന്‍കീഴ് തച്ചോട്ട്കാവ് സ്വദേശി (30) വിഷ്ണുവില്‍ നിന്ന് 2.600 കിലോ കഞ്ചാവ് പിടികൂടിയത്.

ഒഡീഷയില്‍ നിന്നെത്തിച്ച കഞ്ചാവ് മലയിന്‍കീഴ് ഭാഗത്തേയ്ക്ക് കൊണ്ടു പോകുന്നതിനിടയിലാണ് പ്രതി പിടിക്കപ്പെടുന്നത്. വില്‍പ്പനയ്‌ക്കെത്തിച്ച കഞ്ചാവാണെന്നാണ് എക്‌സൈസിന് ലഭിച്ച വിവരം. ഇയാളെ വിശദമായി ചോദ്യം ചെയ്യാനാണ് എക്‌സൈസിന്റെ തീരുമാനം. തുടരന്വേഷണത്തിനായി ഇയാളെ അമരവിള റേഞ്ചിന് കൈമാറുകയും ചെയ്തു.