പ്രഭാത,സായാഹ്ന സവാരിക്കാർക്കിനി കരമനയാറിന്റെ സൗന്ദര്യം ആസ്വദിച്ചു നടക്കാം. നട്ടുച്ചയ്ക്കും തണൽ നൽകുന്ന മരങ്ങളുള്ള കരമനയാറിന്റെ തീരത്തെ ആഴാങ്കൽ നടപ്പാത 29ന് മന്ത്രി എം.ബി. രാജേഷ് ഉദ്ഘാടനം ചെയ്യും.

മന്ത്രിമാരായ വി.ശിവൻകുട്ടി, മുഹമ്മദ്‌ റിയാസ്, റോഷി അഗസ്റ്റിൻ, മേയർ ആര്യാ രാജേന്ദ്രൻ,​ കൗൺസിലർ ആശാനാഥ്‌ തുടങ്ങിയവർ പങ്കെടുക്കും.
കൈമനം കരുമം റോഡിൽ കരമന നദീതീരത്തോട് ചേർന്ന് 2 കിലോമീറ്ററിലധികം നീളത്തിലാണ് ആഴാങ്കൽ വാക്ക് വേ പൂർത്തീകരിച്ചത്.

നദീ സൗന്ദര്യം ആസ്വദിച്ച ശേഷം പാട്ടുകേട്ട് വിശ്രമിക്കാൻ വിശ്രമ കേന്ദ്രവും സജ്ജമാക്കിയിട്ടുണ്ട്. സായാഹ്ന സവാരിക്കായി നടപ്പാതയിൽ സോളാർ സഹായത്തോടെയുള്ള വിളക്കുകളും പ്രകാശിക്കും. സുരക്ഷയ്ക്കായി സി.സിടിവി ക്യാമറകളും സ്ഥാപിച്ചിട്ടുണ്ട്.