കോഴിക്കോട് കല്ലാച്ചി സ്വദേശിയായ യുവതിയെ ബെംഗളൂരുവിൽ താമസസ്ഥലത്ത് മരിച്ചനിലയിൽ കണ്ടെത്തി. കല്ലാച്ചി പയംതോങ്ങ് ദേവീസദനം വീട്ടിൽ ദിവ്യാ കുറുപ്പാണ് (34) മരിച്ചത്.

ബെംഗളൂരുവിലെ കൊത്തന്നൂരിലെ താമസസ്ഥലത്ത് തിങ്കളാഴ്ച രാവിലെയാണ് മൃതദേഹംകണ്ടത്. ഇവിടെയുള്ള സ്വകാര്യ സ്ഥാപനത്തിൽ ജോലിചെയ്തുവരുകയായിരുന്നു ദിവ്യ. അച്ഛൻ: ദിനേശ് കുറുപ്പ്. അമ്മ: വൃന്ദ. സഹോദരൻ: വിനീത്. മൃതദേഹം പോസ്റ്റ്‌മോർട്ടത്തിനുശേഷം നാട്ടിലേക്ക് കൊണ്ടുപോയി. സംസ്‌കാരം വ്യാഴാഴ്ച കല്ലാച്ചിയിലെ വീട്ടുവളപ്പിൽ നടക്കും.