യുവേഫ നേഷൻസ് ലീഗിൽ നെതർലൻഡ്സിനെ എതിരില്ലാത്ത അഞ്ച് ഗോളുകൾക്ക് തകർത്ത് ജർമനി...

യുവേഫ നേഷൻസ് ലീഗിൽ നെതർലൻഡ്സിനെ എതിരില്ലാത്ത അഞ്ച് ഗോളുകൾക്ക് തകർത്ത് ജർമനി. അവസാന ഗ്രൂപ്പ് മത്സരത്തിൽ ഫ്ലോറിയൻ വിർട്സ് ഇരട്ടഗോൾ നേടിയപ്പോൾ ഡെറി ഷെർഹാന്റ്, നിക്കോ ഷ്ലോട്ടർബെക്ക്, ബ്രയാൻ ഗ്രൂഡ എന്നിവർ ഓരോ ഗോൾ വീതം നേടുകയും ചെയ്തു.. വിജയത്തോടെ ഗ്രൂപ്പ് b യിൽ ഒന്നാം സ്ഥാനം ഉറപ്പിച്ച ജർമനിക്കൊപ്പം നെതർലൻഡ്സും ക്വാർട്ടർ ഫൈനലിൽ പ്രവേശിക്കുകയും ചെയ്തു.
മത്സരത്തിന് മുമ്പ് മൂന്നാം സ്ഥാനത്തായിരുന്ന ജർമനി, ഗ്രീസിനെയും നെതർലൻഡ്സിനെയും മറികടന്നാണ് ഒന്നാമതെത്തിയത്. മൂന്ന് ടീമുകളും 11 പോയിന്റ് വീതം നേടിയെങ്കിലും പരസ്പരമുള്ള മത്സരങ്ങളിലെ ഫലങ്ങളാണ് സ്ഥാനനിർണയത്തിന് പരിഗണിച്ചത്. സെർബിയയെ 1-0ന് തോൽപ്പിച്ച ഗ്രീസ് മൂന്നാം സ്ഥാനത്തെത്തുകയും ചെയ്തു.ബെർലിനിൽ നടന്ന മത്സരത്തിൽ ഡെറി ഷെർഹാന്റാണ് ജർമനിക്കായി ആദ്യ ഗോൾ നേടിയത്. പിന്നാലെ ബോക്സിന് പുറത്തുനിന്നുള്ള ഷോട്ടിലൂടെ വിർട്സ് ലീഡ് ഉയർത്തി. ബ്രയാൻ ഗ്രൂഡയുടെ ഫ്രീകിക്കിൽ നിന്ന് നിക്കോ ഷ്ലോട്ടർബെക്ക് മൂന്നാം ഗോൾ നേടി. പിന്നീട് ഗ്രൂഡയുടെ പാസിൽ വിർട്സ് തന്റെ രണ്ടാം ഗോളും സ്വന്തമാക്കി. ഗ്രൂഡയാണ് അഞ്ചാം ഗോൾ നേടിയത്. രണ്ട് അസിസ്റ്റുകളും ഒരു ഗോളുമായി ഗ്രൂഡയും മത്സരത്തിൽ തിളങ്ങി.
1959ൽ നെതർലൻഡ്സിനെ 7-0ന് തോൽപ്പിച്ചതിന് ശേഷമുള്ള അയൽരാജ്യത്തിനെതിരായ ജർമനിയുടെ ഏറ്റവും വലിയ വിജയമാണിത്.
"
https://www.facebook.com/Malayalivartha

























