ഇത്രയേ ഉള്ളൂ നമ്മുടെ നിയമം..? മൂന്ന് കുരുന്നുകളുടെ ജീവനെടുത്ത പ്രതി ചിരിച്ചുകൊണ്ട് പുറത്തേക്ക് പോണത് കണ്ടില്ലേ! വെറും 35 ദിവസത്തെ ജയിൽവാസത്തിന് ശേഷം പ്രതി പുറത്തിറങ്ങുന്നു...

നെടുമ്പാശേരിയിൽ മദ്യലഹരിയിൽ കാറോടിച്ചുണ്ടാക്കിയ അപകടത്തിൽ 3 പേർ കൊല്ലപ്പെട്ട കേസിലെ ഒന്നാം പ്രതി സുഹൈൽ സജീവ് (19) ബോസ്റ്റൽ സ്കൂളിൽ നിന്നു മോചിതനായി. ഇന്നലെ ഉച്ചയ്ക്ക് 2.15നാണ് കാക്കനാട് ജില്ലാ ജയിലിനോടു ചേർന്നുള്ള ബോസ്റ്റൽ സ്കൂളിൽ നിന്നു സുഹൈൽ മോചിതനായത്. ഹൈക്കോടതിയുടെ 10 ദിവസം മുൻപത്തെ ജാമ്യ ഉത്തരവിനെ തുടർന്നാണു നടപടി. സുഹൈലിനെ കൂട്ടിക്കൊണ്ടു പോകാൻ ബോസ്റ്റൽ സ്കൂളിനു മുൻപിലെത്തിയ ബന്ധുക്കളും സുഹൃത്തുക്കളും അടങ്ങിയ സംഘവും മാധ്യമപ്രവർത്തകരുമായി വാക്കുതർക്കം. പ്രതിയെ ക്യാമറകളിൽ നിന്ന് ഒളിപ്പിക്കാനുള്ള ശ്രമത്തിനിടെ ഉന്തും തള്ളും.
ബോസ്റ്റൽ സ്കൂൾ കവാടം നിരോധിത മേഖലയാണെന്നും ദൃശ്യങ്ങൾ പകർത്തരുത് എന്നുമുള്ള സുഹൈലിന്റെ ബന്ധുക്കളുടെ വാദമാണു തർക്കത്തിനു വഴിയൊരുക്കിയത്. നേരത്തേ പുറത്തെത്തിയ ബോസ്റ്റൽ സ്കൂൾ ഉദ്യോഗസ്ഥൻ, സുഹൈൽ അര മണിക്കൂറിനകം പുറത്തിറങ്ങുമെന്നും പ്രശ്നങ്ങൾ ഉണ്ടാക്കരുതെന്നും പറഞ്ഞു ബന്ധുക്കളെയും മാധ്യമ പ്രവർത്തകരെയും ഇരുവശങ്ങളിലേക്കു മാറ്റി. മിനിറ്റുകൾക്കുള്ളിൽ സുഹൈൽ ഒരു കൈകൊണ്ടു മുഖം മറച്ച് ഒറ്റയ്ക്കു ഗേറ്റ് തുറന്നു പുറത്തെത്തി. അരമണിക്കൂർ സമയമുണ്ടല്ലോ എന്നു കരുതി ക്യാമറകൾ ഓഫ് ചെയ്തു നിലയുറപ്പിച്ചിരുന്ന
ചാനൽ പ്രവർത്തകർ പാഞ്ഞെത്തിയപ്പോഴേക്കും ബന്ധുക്കൾ സുരക്ഷാകവചം തീർത്തു സുഹൈലിനെകാറിനകത്തേക്കു തള്ളിക്കയറ്റുകയും കാർ ചീറിപ്പാഞ്ഞു പോകുകയും ചെയ്തു. ബന്ധുക്കൾ മാധ്യമപ്രവർത്തകരെ തള്ളിമാറ്റുന്നതിനിടയിലാണു ചാനൽ ക്യാമറകൾക്കു കേടുപാടുകളുണ്ടായത്.കേസിൽ സുഹൈലിനൊപ്പം അറസ്റ്റിലായ മറ്റു പ്രതികളായ ജോയൽ എസ്.ആന്റോ, നിനവ്, അമീൻ ഷാ എന്നിവർക്കു നേരത്തെ ജാമ്യം ലഭിച്ചിരുന്നു.സോഷ്യൽ മീഡിയയിൽ വിമർശനം..ഇത്രയേ ഉള്ളൂ നമ്മുടെ നിയമം..? മൂന്ന് കുരുന്നുകളുടെ ജീവനെടുത്ത പ്രതി ചിരിച്ചുകൊണ്ട് പുറത്തേക്ക് പോണത് കണ്ടില്ലേ!
അനുവദനീയമായതിലും അഞ്ചിരട്ടി മദ്യപിച്ച്, 162 കിലോമീറ്റർ വേഗതയിൽ വണ്ടിയോടിച്ച് മൂന്ന് ജീവനുകൾ ഇല്ലാതാക്കിയ നെടുമ്പാശ്ശേരി കേസിലെ മുഖ്യപ്രതി സുഹൈൽ ഒടുവിൽ ജാമ്യത്തിലിറങ്ങിയിരിക്കുന്നു.ഒരു മാസത്തെ ബോസ്റ്റൽ സ്കൂൾ വാസത്തിന് ശേഷം, മാധ്യമങ്ങളെ തട്ടിമാറ്റി മുഖം മറച്ച് സുഹൃത്തുക്കളുടെയും ബന്ധുക്കളുടെയും അകമ്പടിയോടെ അവൻ പുറത്തിറങ്ങുമ്പോൾ തോറ്റുപോകുന്നത് ഇവിടുത്തെ നീതിന്യായ വ്യവസ്ഥയല്ലേ?പോലീസിന്റെ പക്കൽ കൃത്യമായ ശാസ്ത്രീയ തെളിവുകളുണ്ടായിട്ടും, കുറ്റപത്രം സമർപ്പിക്കാനിരിക്കെ ഇത്ര വേഗം ജാമ്യം ലഭിക്കുന്നത് പൊതുസമൂഹത്തിന് എന്ത് സന്ദേശമാണ് നൽകുന്നത്?
പണവും സ്വാധീനവുമുണ്ടെങ്കിൽ എന്ത് ക്രൂരതയും ചെയ്ത് രക്ഷപ്പെടാം എന്ന അവസ്ഥയാണോ ഇവിടെ?ഇരകളാക്കപ്പെട്ട ആ കുടുംബങ്ങളുടെ കണ്ണീരിന് ആര് ഉത്തരം പറയും? പ്രതിക്ക് അർഹമായ പരമാവധി ശിക്ഷ തന്നെ ഉറപ്പാക്കണം!സ്വന്തം മകനെ സംരക്ഷിക്കാൻ നടത്തുന്ന തത്രപ്പാട്!അന്ന് പറഞ്ഞത് ഓർമ്മയില്ലേ... "എന്റെ ബാപ്പ എല്ലാം നോക്കിക്കോളും!"ഇപ്പോൾ ആ വാക്കുകൾ വെറുതെയായിരുന്നില്ലെന്ന് തോന്നിപ്പോകുന്നു. മൂന്ന് ജീവനുകൾ നഷ്ടപ്പെട്ടിട്ടും സ്വന്തം മകനെ പുറത്തിറക്കാനും മുഖം മറയ്ക്കാനും ഇത്രയും കരുതൽ!ആ മൂന്ന് കുഞ്ഞുങ്ങളുടെ ജീവനുവേണ്ടി ഇതിന്റെ പകുതി കരുതലെങ്കിലും ആരെങ്കിലും കാണിച്ചിരുന്നെങ്കിൽ...
അവരുടെ കുടുംബങ്ങളുടെ കണ്ണീരിന് ആരെങ്കിലും ഇത്ര വില നൽകിയിരുന്നെങ്കിൽ...!പണമുണ്ടെങ്കിൽ എന്തും ചെയ്യാമെന്നാണോ? സ്വാധീനമുണ്ടെങ്കിൽ നിയമത്തിന്റെ വഴികൾ പോലും എളുപ്പമാക്കാമെന്നാണോ?
https://www.facebook.com/Malayalivartha


























