പാലക്കാട് കഞ്ചിക്കോട് സിഗ്നൽ തെറ്റിച്ചുവെന്ന പിക്കപ്പ് വാനിടിച്ച് യുവാവിന് ദാരുണാന്ത്യം. കഞ്ചിക്കോട് പുതുശ്ശേരി പഞ്ചായത്ത് ഓഫീസിന് മുന്നിൽ വച്ചായിരുന്നു അപകടം സംഭവിച്ചത്. പഞ്ചായത്ത് ഓഫീസിനു മുന്നിലെ സിഗ്നൽ തെറ്റിച്ചെത്തിയ വാഹനമിടിച്ച് മായപ്പള്ളം സ്വദേശി രമേശാണ് മരിച്ചത്.

അപകടത്തിനുശേഷം നിർത്താതെ പോയ വാഹനം തമിഴ്നാട്ടിൽ വച്ച് വാളയാർ പോലീസ് പിടികൂടി. പെയിൻറിംഗ് തൊഴിലാളിയായ രമേശ് ജോലി കഴിഞ്ഞ് വീട്ടിലേക്ക് വരുന്നതിനിടയിൽ ആയിരുന്നു അപകടം നടന്നത്. പോസ്റ്റ്മോർട്ടത്തിനുശേഷം മൃതദേഹം ഇന്ന് ബന്ധുക്കൾക്ക് വിട്ടു നൽകും.