ഗുരുവായൂരപ്പന് കാണിക്കയായി 12 പവനിലേറെ തൂക്കം വരുന്ന രണ്ട് സ്വർണ മാലകൾ സമ്മാനിച്ച് ഭക്തർ. ഗുരുവായൂർ കാരക്കാട്ട് റോഡ് ശ്രീനിധി ഇല്ലത്ത് എ ശിവകുമാറും ഭാര്യയുമാണ് കണ്ണന് സ്വർണ മാലകൾ സമർപ്പിച്ചത്.

മുത്തുകൾ ചേർത്ത് ലക്ഷ്മീദേവിയുടെ രൂപം ആലേഖനം ചെയ്ത ലോക്കറ്റോടു കൂടിയ 57 ഗ്രാമിന്റെ സ്വർണ്ണമാലയും ഗണപതി രൂപം മുദ്രണം ചെയ്ത ലോക്കറ്റോടു കൂടിയ 41 ഗ്രാമിന്റെ മറ്റൊരു മാലയുമാണ് സമർപ്പിച്ചത്.

ക്ഷേത്രം ഉദ്യോഗസ്ഥരായ പ്രമോദ് കളരിക്കൽ, എ. പ്രവീൺ എന്നിവർ വഴിപാടുകാരിൽ നിന്നും മാലകൾ ഏറ്റുവാങ്ങി രശീത് നൽകി. നേരത്തെ വജ്ര കിരീടവും സ്വർണമാലകളും ശിവകുമാർ ഗുരുവായൂരപ്പന് സമർപ്പിച്ചിട്ടുണ്ടായിരുന്നു.