അങ്കമാലി സീറ്റ് വിട്ടുനല്‍കില്ലെന്ന് കോണ്‍ഗ്രസ് വ്യക്തമാക്കിയതോടെ കേരള കോണ്‍ഗ്രസ് ജേക്കബ് വിഭാഗം കടുത്തനിലപാടിലേക്ക്. ക്രൂരമായ വഞ്ചനയെന്ന് ജേക്കബ് വിഭാഗം ചെയര്‍മാന്‍ ജോണി നെല്ലൂര്‍ ആരോപിച്ചു. നാലു സീറ്റുകളില്‍ മല്‍സരിച്ചിരുന്ന പാര്‍ട്ടിയെ ഇല്ലാതാക്കാനാണ് ശ്രമം. ഇത് വ്യക്തിപരമായ അധിക്ഷേപമാണ്. കൂടെക്കൊണ്ടുനടന്ന് ചതിക്കുകയായിരുന്നു. സീറ്റു നല്‍കാമെന്ന് മുഖ്യമന്ത്രി ഉറപ്പു നല്‍കിയിരുന്നു. അപമാനിതനായെന്നു കരുതി രാഷ്ട്രീയ വനവാസത്തിനില്ല. എന്നെ വഞ്ചിച്ചുവെങ്കിലും കോണ്‍ഗ്രസിനോട് വിരോധമില്ല.

കോതമംഗലം സീറ്റില്‍ എല്‍ഡിഎഫിനു വേണ്ടി മല്‍സരിക്കുന്നു എന്നത് തെറ്റായ വാര്‍ത്തയാണ്. ഇടതിനോടും എന്‍ഡിഎയോടും അയിത്തമില്ല. ആദ്യം നിയമസഭയിലേക്ക് മല്‍സരിച്ചത് ഇടതു സ്ഥാനാര്‍ഥിയായാണ്. 2011ല്‍ പ്രതികരിക്കാന്‍ കഴിയാത്തതാണ് ഇപ്പോഴത്തെ പ്രതിസന്ധിക്കു കാരണം. ഭാവി പരിപാടികള്‍ ചര്‍ച്ച ചെയ്യാന്‍ പാര്‍ട്ടിയുടെ അടിയന്തര നേതൃയോഗം മൂന്നുമണിക്ക് ചേരും.

ഇന്നലെയാണ് പിറവം സീറ്റ് മാത്രമേ നല്‍കാനാകുകയുള്ളൂവെന്ന് ജേക്കബ് വിഭാഗത്തെ കോണ്‍ഗ്രസ് നേതൃത്വം അറിയിച്ചത്. സീറ്റു വിഭജനത്തിനുശേഷം  ഏതെങ്കിലും ജില്ലയില്‍ ഒഴിവുവന്നാല്‍ അതുനല്‍കുന്ന കാര്യം ആലോചിക്കാമെന്നും യുഡിഎഫ് കണ്‍വീനര്‍ പി.പി.തങ്കച്ചന്‍ അറിയിച്ചിരുന്നു. കഴിഞ്ഞ തിരഞ്ഞെടുപ്പില്‍ ജോണി നെല്ലൂരായിരുന്നു അങ്കമാലിയില്‍ യുഡിഎഫിന്റെ സ്ഥാനാര്‍ഥി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha