ഖത്തറിനെ ലക്ഷ്യമിട്ട് ഇറാന്റെ മിസൈലുകള്
ഖത്തറിനെ ലക്ഷ്യമിട്ട് ഇറാന്റെ മിസൈല് ആക്രമണം. മിസൈലുകളെ ഫലപ്രദമായി തടഞ്ഞതായി ഖത്തര് പ്രതിരോധ മന്ത്രാലയം അറിയിച്ചു. ബഹറൈനിലെ യുഎസ് സേനാതാവളം ആക്രമിച്ചതായി ഇറാന് പറഞ്ഞു. ഇറാനിലെ ആക്രമണത്തിന് മറുപടിയായാണ് ആക്രമണം നടത്തിയത്
ടെഹ്റാനില് രാത്രി നടത്തിയ ആക്രമണങ്ങളില് ഇറാന് വ്യോമസേനയുടെ 16 വിമാനങ്ങള് നശിപ്പിച്ചതായി ഇസ്രയേല് സൈന്യം. ഇറാന് തലസ്ഥാനത്തുടനീളം വ്യോമസേന ശക്തമായ ആക്രമണങ്ങള് നടത്തിയെന്നും മെഹ്റാബാദ് വിമാനത്താവളത്തിന് നേരെയും ആക്രമണമുണ്ടായെന്നും ഇസ്രയേല് സൈന്യം പ്രസ്താവനയില് പറഞ്ഞു.
ലബനനിലെ ഹിസ്ബുല്ല ഉള്പ്പെടെ പശ്ചിമേഷ്യയിലെ സായുധ ഗ്രൂപ്പുകള്ക്ക് ആയുധങ്ങളും പണവും കൈമാറുന്നതിനുള്ള പ്രധാന കേന്ദ്രമായി ഇറാന് സൈന്യം ഈ വിമാനത്താവളം ഉപയോഗിച്ചിരുന്നതായി ഇസ്രയേല് അവകാശപ്പെട്ടു. ഇറാന് ഇന്ന് ശക്തമായ തിരിച്ചടി ലഭിക്കുമെന്ന് ഡോണള്ഡ് ട്രംപ്. ഇതുവരെ ലക്ഷ്യമിടാതിരുന്ന ചില മേഖലകളെയും ഗ്രൂപ്പുകളെയും പൂര്ണമായി നശിപ്പിക്കാനും ഇല്ലാതാക്കാനും യുഎസ് ഗൗരവമായി ആലോചിക്കുന്നതായും ട്രംപ് സമൂഹമാധ്യമത്തില് പറഞ്ഞു.
https://www.facebook.com/Malayalivartha
