രണ്ട് പ്രധാന ട്രെയിനുകള്ക്ക് പുതിയ സ്റ്റോപ്പുകള് അനുവദിച്ച് കേന്ദ്രം
സംസ്ഥാനത്ത് യാത്രാസൗകര്യം മെച്ചപ്പെടുത്തുന്നതിന്റെ ഭാഗമായി രണ്ട് പ്രധാന ട്രെയിനുകള്ക്ക് പുതിയ സ്റ്റോപ്പുകള് അനുവദിക്കണമെന്ന തന്റെ ആവശ്യം കേന്ദ്രം അംഗീകരിച്ചെന്ന് ബിജെപി സംസ്ഥാന അദ്ധ്യക്ഷന് രാജീവ് ചന്ദ്രശേഖര്. തന്റെ ഫേസ്ബുക്ക് പോസ്റ്റിലൂടെയാണ് രാജീവ് ചന്ദ്രശേഖര് ഇക്കാര്യം അറിയിച്ചത്. തന്റെ ആവശ്യം പരിഗണിച്ച് ഉടനടി തീരുമാനമെടുത്ത പ്രധാനമന്ത്രി നരേന്ദ്ര മോദിക്കും റെയില്വേ മന്ത്രി അശ്വിനി വൈഷ്ണവിനും അദ്ദേഹം നന്ദി അറിയിച്ചു. ബിലാസ്പൂര് – തിരുനെല്വേലി എക്സ്പ്രസിന് ചേര്ത്തല റെയില്വേ സ്റ്റേഷനിലും മധുര – ഗുരുവായൂര് എക്സ്പ്രസിന് ഇരിഞ്ഞാലക്കുട റെയില്വേ സ്റ്റേഷനിലുമാണ് സ്റ്റോപ്പ് അനുവദിച്ചത്.
പോസ്റ്റിന്റെ പൂര്ണരൂപം
ജനങ്ങളുടെ ആവശ്യങ്ങള്ക്ക് ഉടനടി പരിഹാരം!
യാത്രാസൗകര്യം മെച്ചപ്പെടുത്തുന്നതിന്റെ ഭാഗമായി, രണ്ട് പ്രധാന ട്രെയിനുകള്ക്ക് പുതിയ സ്റ്റോപ്പുകള് അനുവദിക്കണമെന്ന എന്റെ ആവശ്യം പരിഗണിച്ച് ഉടനടി തീരുമാനമെടുത്ത ബഹുമാനപ്പെട്ട പ്രധാനമന്ത്രി നരേന്ദ്ര മോദിജിക്കും റെയില്വേ മന്ത്രി അശ്വിനി വൈഷ്ണവ് ജിക്കും ഹൃദയം നിറഞ്ഞ നന്ദി.
അനുവദിക്കപ്പെട്ട പുതിയ സ്റ്റോപ്പുകള്:
ബിലാസ്പൂര് – തിരുനെല്വേലി എക്സ്പ്രസ്സ് : ചേര്ത്തല റെയില്വേ സ്റ്റേഷന്
മധുര – ഗുരുവായൂര് എക്സ്പ്രസ്സ് : ഇരിഞ്ഞാലക്കുട റെയില്വേ സ്റ്റേഷന്
ഈ പുതിയ സ്റ്റോപ്പുകള് ആയിരക്കണക്കിന് യാത്രക്കാരെ സംബന്ധിച്ച് വലിയ ആശ്വാസമാകും. റെയില്വേ സൗകര്യങ്ങള് വര്ദ്ധിപ്പിച്ച് മലയാളികളുടെ യാത്രാദുരിതത്തിന് പരിഹാരം കാണാന് മോദി സര്ക്കാര് എപ്പോഴും ഒപ്പമുണ്ട്. ഇതാണ് പ്രവര്ത്തനമികവിന്റെ രാഷ്ട്രീയം.
https://www.facebook.com/Malayalivartha
