സര്‍ക്കാര്‍ അഞ്ചുവര്‍ഷം പൂര്‍ത്തിയാക്കില്ല, ലോക്‌സഭാ തെരഞ്ഞെടുപ്പോടെ സംസ്ഥാനത്ത് ഭരണമാറ്റം, പേര് ദോഷമുണ്ടാക്കി ഭരണമാറ്റത്തിന് ശ്രമിക്കില്ല
ഈ സര്‍ക്കാര്‍ അഞ്ചുവര്‍ഷം പൂര്‍ത്തിയിക്കാല്ലെന്നും ലോക്‌സഭാ തെരഞ്ഞെടുപ്പോടെ സംസ്ഥാനത്ത് ഭരണമാറ്റം ഉണ്ടാകുമെന്നും പ്രതിപക്ഷ ഉപനേതാവ് കോടിയേരി ബാലകൃഷ്ണന്‍. എന്നാല്‍ പേര് ദോഷമുണ്ടാക്കി സംസ്ഥാനത്ത് ഭരണമാറ്റത്തിന് ശ്രമിക്കില്ല. തെരഞ്ഞെടുപ്പിന് ശേഷം യുഡിഎഫില്‍ ഭിന്നിപ്പുണ്ടാകും. ചരിത്രം അതാണ് തെളിയിക്കുന്നതെന്നും കോടിയേരി പറഞ്ഞു. എംഎല്‍എമാരെ ചാക്കിട്ട്പിടിച്ച് ഭരണമാറ്റം ഉണ്ടാക്കാന്‍ സിപിഎം ശ്രമിക്കില്ല.
എംഎല്‍എമാരെ തെരഞ്ഞെടുക്കുന്നത് ജനങ്ങളാണ്. ജനങ്ങളില്‍ രാഷ്ട്രീയമാറ്റം ഉണ്ടാക്കാനാണ് സിപിഐഎമ്മിന്റെ ശ്രമം. ജനങ്ങളില്‍ രാഷ്ട്രീയമാറ്റം ഉണ്ടാകുമ്പോള്‍ അതിന്റെ പ്രതിഫലനം യുഡിഎഫിന്റെ എംഎല്‍എമാരിലും യുഡിഎഫിലെ വിവിധ കക്ഷികളിലുമുണ്ടാകും. അങ്ങനെ കേരളത്തില്‍ രാഷ്ട്രീയമാറ്റമുണ്ടാകും. ലാവലിനിലെ മുന്‍ നിലപാടുകളെ വി.എസ് അച്യുതാനന്ദന്‍ തള്ളിപ്പറഞ്ഞ സാഹചര്യത്തില്‍ ഇക്കാര്യത്തില്‍ വിവാദങ്ങള്‍ക്ക് പ്രസക്തിയില്ല. പ്രതിസന്ധികാലത്ത് പാര്‍ട്ടിക്ക് കരുത്ത് പകര്‍ന്ന നേതാവാണ് വി.എസെന്നും കോടിയേരി പറഞ്ഞു.
https://www.facebook.com/Malayalivartha
