നിരവധി പ്രവാസികളെ അടക്കം കബളിപ്പിച്ച പ്രമുഖ ബില്ഡറായ ഷ്വാസ് ഹോംസ് എംഡി ശ്രീനി പരമേശ്വരന് അറസ്റ്റില്, ഫ്ലാറ്റ് തട്ടിപ്പിലൂടെ നേടിയത് കോടികള്
കേരളത്തിലെ ഫ്ലാറ്റ് തട്ടിപ്പു കേസുകളില് ഒടുവിലായി വമ്പന് സ്രാവും വീണു. നിരവധി പ്രവാസികളെ അടക്കം കബളിപ്പിച്ച പ്രമുഖ ബില്ഡറായ ഷ്വാസ് ഹോംസ് എംഡി ശ്രീനി പരമേശ്വരനെ തട്ടിപ്പു കേസില് കഴിഞ്ഞ ദിവസമാണ് അറസ്റ്റു ചെയ്തത്. പ്രവാസികള് അടക്കമുള്ള പലര്ക്കും പണം നല്കിയിട്ടും നിശ്ചിത സമയത്ത് ഫ്ലാറ്റ് നിര്മ്മിച്ചു നല്കാന് സാധിക്കാത്തതിനെ തുടര്ന്നുണ്ടായ പരാതികള്ക്ക് ഒടുവിലാണ് ഇയാളെ അറസ്റ്റു ചെയ്തിരുന്നത്. തൃപ്പൂണിത്തുറ പൊലീസാണ് ഇയാളെ അറസ്റ്റു ചെയ്തത്.
ഫ്ളാറ്റ് തട്ടിപ്പ് നടത്തിയെന്ന് പരാതിപ്പെട്ട് നിരവധി പേരാണ് ഷ്വാസ് ഹോംസിനെതിരെ പരാതി നല്കിയിരുന്നത്. 16 പേര് പരാതിയുമായി രംഗത്തിറങ്ങി. അറസ്റ്റോടെ കൂടുതല് പേരും പരാതിയുമായി രംഗത്തെത്തിയിട്ടുണ്ട്. നിരവധി പരാതികള് ഉണ്ടായിരുന്നിട്ടും അധികാരത്തിലെ ഉന്നതരുമായുള്ള അടുപ്പത്തിന്റെ പേരില് അറസ്റ്റിലാകാതെ പിടിച്ചു നില്ക്കുകയായിരുന്നു ഇദ്ദേഹം. പരാതികള് ഉയര്ന്നെങ്കിലും ഇയാളെ അറസ്റ്റ് ചെയ്യാന് പൊലീസ് തയ്യാറായിരുന്നില്ല. ഇതേ തുടര്ന്ന് ഉന്നതബന്ധമാണ് ഷ്വാസ് ഹോംസ് എംഡി ശ്രീനി പരമേശ്വരന്റെ അറസ്റ്റ് വൈകിച്ചതെന്ന ആരോപണം ഉയര്ന്നിരുന്നു. കൃത്യ സമയത്ത് ഉപഭോക്താവിന് പണിതീര്ത്ത് ഫ്ളാറ്റ് വിട്ടു നല്കാത്തതും പണം വാങ്ങിയ ശേഷം ഫ്ളാറ്റ് നല്കാത്തതുമെല്ലാമാണ് വ്യാപകമായി ഷ്വാസ് ഹോംസിനെതിരെ പരാതിക്ക് ഇടയാക്കിയത്. ആലുവ അക്വാസിറ്റിയിലെ ഫഌറ്റുമായി ബന്ധപ്പെട്ട് പരാതിയിലാണ് അറസ്റ്റ്. 1884/2015കേസില് 403,407 സെക്ഷന്സ് പ്രകാരം വഞ്ചന കുറ്റവും കരാര് ലംഘനവുമാണ് കുറ്റം ചുമത്തിയിരിക്കുന്നത്. ഇതേ തുടര്ന്നാണ് ഇയാളെ അറസ്റ്റു ചെയ്തതും.
പതിവു ഫ്ലാറ്റ് തട്ടിപ്പുകളുടെ എല്ലാവിധ ചേരുവകളും ചേര്ന്നതാണ് ശ്രീനി പരമേശ്വരന്റെ നേതൃത്വത്തില് നടന്ന തട്ടിപ്പും. ഗള്ഫ് രാജ്യങ്ങളിലും യൂറോപ്പിലും ഉള്ള പ്രവാസികള് പോലും ഫ്ലാറ്റ് തട്ടിപ്പിന് ഇരയായിട്ടുണ്ട്. പ്രധാനമായും പ്രവാസി മലയാളികളില് നിന്നും ഫണ്ട് സ്വീകരിച്ച് കരാറുണ്ടാക്കിയ ശേഷം നിശ്ചിത സമയത്ത് ഫ്ലാറ്റ് ലഭ്യമാക്കാന് സാധിച്ചില്ല. കമ്പനി അധികൃതരുമായി ബന്ധപ്പെട്ടപ്പോള് കാത്തിരിക്കാനായിരുന്നു മറുപടി നല്കിയത്. അതിന് ശേഷം ബന്ധപ്പെട്ടിട്ടും നടപടി ഉണ്ടാകാതിരുന്ന സാഹചര്യത്തിലാണ് പൊലീസില് പരാതിപ്പെട്ടതും അറസ്റ്റുണ്ടാകുന്നതും.
പത്രങ്ങളിലും ചാനലുകളിലും വന്തോതില് പരസ്യം നല്കി തന്നെയാണ് ഷ്വാസ് ബില്ഡേഴ്സ് ഫ്ലാറ്റ് വില്പ്പനക്കായി ആളെ കണ്ടെത്തിയത്. ഗള്ഫ് മേഖലയിലെ പ്രവാസികളെ ലക്ഷ്യമിട്ടായിരുന്നു പ്രധാനമായും പത്രപ്പരസ്യങ്ങള് നല്കിയിരുന്നത്. പരസ്യങ്ങളില് കണ്ട് നാട്ടില് നിക്ഷേപമെന്ന നിലയില് ഫ്ലാറ്റിനായി പണം നിക്ഷേപിച്ചവരാണ് വെട്ടിലായത്. ഡല്ഹി മലയാളിയായ ബെന്നി അഗസ്റ്റിന് നല്കിയ പരാതി പ്രകാരം ലക്ഷ്വറി ഫ്ലാറ്റിനായി ഒരു 20 ലക്ഷം രൂപയാണ് ശ്രീനി പരമേശ്വരന് മുന്കൂറായി കൈപ്പറ്റിയത്. എന്നാല്, പണംനല്കി നിശ്ചിത സമയം കഴിഞ്ഞിട്ടും ഫ്ലാറ്റ് ലഭ്യമാക്കാന് നടപടി തുടങ്ങിയില്ല. കണിയമ്പുഴയിലുള്ള മിസ്റ്റിക് ഹൈറ്റ്സിന് വേണ്ടിയായിരുന്നു പണം മുടക്കിയത്.
സമാനമായ മാര്ഗ്ഗത്തില് ഒരു ഫ്ലാറ്റിന്റെ 20 ശതമാനം അഡ്വന്സായി ശ്രീനി പരമേശ്വരന് കൈപ്പറ്റിയിരുന്നു. കമ്പനിയുടെ കോട്ടയത്തുള്ള അക്വാ സിറ്റി വില്ലാ പ്രോജക്ടിനെതിരെയും പരാതി ഉയര്ന്നിരുന്നു. നിലവില് 16 പരാതികള് ഇയാള്ക്കെതിരെ ഉണ്ടായിട്ടുണ്ട്. .'ഷ്വാസ് ഹോംസ് മിസ്റ്റിക് ഹൈറ്റ്സ്' എന്ന ഫഌറ്റ് സമുച്ചയം തങ്ങളുടെ രണ്ടാം ഘട്ട പദ്ധതിക്കായി പ്രവാസി മലയാളികളില്നിന്ന് ലക്ഷങ്ങള് കൈപ്പറ്റിയെന്ന ആരോപണ ഉയര്ന്നിട്ട് രണ്ട് വര്ഷത്തോളമായി. അന്നത്തെ മേയര് ടോണി ചമ്മണിക്ക് ഇത് സംബന്ധിച്ച് പരാതി നല്കിയിട്ടും നടപടി ഉണ്ടായില്ലെന്ന് ആക്ഷേപം ഉയര്ന്നിരുന്നു.
ഒമാന്, ഖത്തര്, യു.എ.ഇ എന്നിവിടങ്ങളില് 55 പ്രവാസികളാണ് പരാതിയുമായി രംഗത്തുവന്നത്. 2010 ല് കൊച്ചിയില് നിക്ഷേപകര്ക്ക് ഫഌറ്റിന്റെ താക്കോല് നല്കിയെങ്കിലും നിയമപരമായി ഫഌറ്റ് ഇപ്പോഴും ബില്ഡറുടെ പേരിലാണെന്നാണ് പരാതി. രജിസ്ട്രേഷന് നടത്തി ഫഌറ്റ് താമസത്തിന് വിട്ടുകൊടുക്കാനായി സര്ട്ടിഫിക്കറ്റ് നല്കിയില്ലെന്നും ഫഌറ്റില് വൈദ്യുതിയും വെള്ളവും ഏര്പ്പെടുത്തിയിട്ടില്ലെന്നും പ്രവാസികള് ആരോപണം ഉന്നയിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
