തലസ്ഥാനത്ത് വീട്ടിലെ എയർ കണ്ടീഷനുള്ളിൽ പാമ്പുകളുടെ സുഖവാസം. കിടപ്പുമുറിയിലെ എയർ കണ്ടീഷനുള്ളിൽ നിന്നും അഞ്ചോളം പാമ്പുകളെ പിടികൂടി. ശ്രീകാര്യം ചെറുവയ്‌ക്കൽ താമസിക്കുന്ന ടെക്നോപാർക്ക് ജീവനക്കാരനായ മാധവ്. ജെ. പണിക്കരുടെ വീട്ടിൽ നിന്നുമാണ് പാമ്പിനെ പിടികൂടിയത്.ബുധനാഴ്ച രാത്രിയാണ് സംഭവം. ജോലി കഴിഞ്ഞ് വീട്ടിൽ എത്തിയ മാധവ്, കിടപ്പുമുറിയുടെ വാതിൽ തുറന്നപ്പോൾ എസിയുടെ താഴ്വശത്ത് ഒരു വാൽ മറയുന്നത് കണ്ടു. സംശയം തോന്നി എസിക്ക് സമീപം ചെന്നപ്പോൾ എ ചെറിയ ശബ്ദം കേൾക്കുകയും ചെയ്തു.

ടോർച്ച് അടിച്ചു നോക്കിയപ്പോൾ പാമ്പിനെ കണ്ടെത്തുകയായിരുന്നു.തുടർന്ന് വനം വകുപ്പിലെ സ്നേക്ക് ക്യാച്ചർ ഗൗതവും എസി ടെക്നീഷ്യനും ചേർന്ന് ഒന്നര മണിക്കൂർ പരിശ്രമിച്ചാണ് പാമ്പിനെ പിടികൂടിയത്. ഉടൻ തന്നെ വാവാ സുരേഷിനെ ബന്ധപ്പെടാൻ ശ്രമിച്ചെങ്കിലും കിട്ടിയില്ല. പിന്നീട് വനംവകുപ്പിലെ സ്നേക്ക് റെസ്ക്യൂ ഓഫീസർ റോഷ്നിയെ വീട്ടുകാർ വിളിച്ചു. റോഷ്നിയുടെ നിർദേശപ്രകാരം 'സർപ്പ'യിലെ സ്നേക്ക് ക്യാച്ചർ ഗൗതം ഉടൻ തന്നെ സംഭവസ്ഥലത്തെത്തി.എസിയുടെ ഔട്ടർ വാട്ടർ പൈപ്പിനു സമീപം ചുമരിൽ ഉണ്ടാക്കിയ ദ്വാരത്തിലൂടെയായിരുന്ന ഇവ എസിക്കുള്ളിൽ എത്തിയത്.

അഞ്ച് പാമ്പിൽ 4 എണ്ണത്തിനെ പിടികൂടിയെങ്കിലും ഒരെണ്ണം ഔട്ടർ പൈപ്പിലൂടെ പുറത്തേക്ക് ചാടി രക്ഷപ്പെട്ടു.കൊബേറി അഥവാ വില്ലൂന്നി എന്ന വിഭാഗത്തിലെ വിഷമില്ലാത്ത പാമ്പ് ആണിതെന്നും മരചില്ലകൾ വീടിന്റെ ടെറസ്സിൽ താഴ്ന്ന് കിടന്നതാണ് ഇവ കയറാൻ ഇടയാക്കിയതെന്നും സ്നേക്ക് ക്യാച്ചർ പറഞ്ഞു. പിടികൂടിയ പാമ്പുകളെ പിന്നീട് ദൂരെയുള്ള ആൾപാർപ്പില്ലാത്ത തുറസ്സായ കുറ്റികാട്ടിലേക്ക് തുറന്നു വിട്ടു. എസിയുടെ ഔട്ടർ വാട്ടർ പൈപ്പിനു സമീപം ചുമരിൽ ഉണ്ടാക്കിയ ദ്വാരത്തിലൂടെയായിരുന്ന ഇവ എസിക്കുള്ളിൽ എത്തിയത്.ഒന്നര മണിക്കൂർ പരിശ്രമിച്ച് 4 എണ്ണത്തിനെ പിടി കൂടി. ഒരെണ്ണം ഔട്ടർ പൈപ്പിൻ്റെ സൈഡിലൂടെ പുറത്തേക്ക് ചാടി രക്ഷപ്പെട്ടു.