പിണറായി വിജയന് പ്രതിപക്ഷ നേതൃസ്ഥാനത്ത് തുടരരുതെന്ന് വിമര്ശനം
സംസ്ഥാനത്ത് പിണറായി വിജയന് പ്രതിപക്ഷനേതൃ സ്ഥാനത്ത് തുടരരുതെന്ന് സിപിഐഎം ആലപ്പുഴ ജില്ലാ സെക്രട്ടറിയേറ്റില് വിമര്ശനം. പ്രതിപക്ഷ നേതാവായി പിണറായി തുടരുന്നത് വലിയ ക്ഷീണം പാര്ട്ടിക്ക് ഉണ്ടാകും. കാരണം പ്രതിപക്ഷത്ത് വളരെ ചുരുങ്ങിയ ആളുകളുമായി ഇരിക്കുമ്പോള് ഭരണപക്ഷത്തിന്റെ നീക്കങ്ങളെ എതിര്ക്കാനും അതുമായി ബന്ധപ്പെട്ട തുടര്പരിപാടികളുമായി മുന്നോട്ട് പോകാനും പിണറായിയുടെ വിമര്ശനങ്ങള്ക്ക് സാധിക്കുമോ എന്ന ആശങ്കയും സെക്രട്ടറിയേറ്റ് അംഗങ്ങള് ആശങ്ക പങ്കുവെച്ചു. അതുകൊണ്ടുതന്നെ പിണറായി വിജയനെ പ്രതിപക്ഷസ്ഥാനത്ത് നിന്ന് മാറ്റി പകരം മറ്റൊരാളെ നേതൃസ്ഥാനത്തേക്ക് എത്തിക്കണമെന്നും ആവശ്യം ഉയര്ന്നു.
എം വി ഗോവിന്ദനെതിരെയും യോഗത്തില് കടുത്ത വിമര്ശനം ഉയര്ന്നു. സംസ്ഥാന സെക്രട്ടറി നടത്തിയ പല പ്രസ്താവനകളും ബ്രാഞ്ച് സെക്രട്ടറിയുടെ നിലവാരം പോലുമില്ലാത്തതായിരുന്നു. പാര്ട്ടിയില് തിരുത്തലുകള് ഉണ്ടാവണം. നിലവിലെ രീതി തുടര്ന്നാല് അധികാരത്തിലേക്ക് മടങ്ങിവരവ് കടുപ്പമാകുമെന്നും സംസ്ഥാന കമ്മറ്റി പുനഃസംഘടിപ്പിക്കണമെന്നും ജില്ലാ സെക്രട്ടറിയേറ്റില് ആവശ്യം ഉയര്ന്നു. വി.എന് വാസവന്, സജി ചെറിയാന്, സി എസ് സുജാത, തോമസ് ഐസക് എന്നിവര് മേല്ഘടകങ്ങളില് നിന്ന് സെക്രട്ടറിയേറ്റില് പങ്കെടുത്തു.
ജി സുധാകരനെ നേരിട്ടതില് പാര്ട്ടി പരാജയമെന്നും യോഗത്തില് കുറ്റപ്പെടുത്തല് ഉണ്ടായി. പാര്ട്ടിക്കെതിരായ വിമര്ശനങ്ങളില് കൃത്യസമയത്ത് മറുപടി നല്കാനായില്ല. ജി സുധാകരന് ഉയര്ത്തിയ വെല്ലുവിളികളെ പ്രതിരോധിക്കാന് കഴിഞ്ഞില്ല. പാര്ട്ടി ശക്തികേന്ദ്രങ്ങളില് പോലും ജി സുധാകരനെ എതിര്ക്കാനായില്ല. രണ്ടുവര്ഷം മുന്പേ സുധാകരന് പാര്ട്ടിയെ ആക്രമിച്ചു തുടങ്ങി. സ്വയം ഇറങ്ങി പോകും മുന്പ് പുറത്താക്കണമായിരുന്നെന്നും സെക്രട്ടറിയേറ്റില് വിമര്ശനം ഉയര്ന്നു.
https://www.facebook.com/Malayalivartha
