വിജയ് സര്ക്കാറിനെ വെല്ലുവിളിച്ച് ഡിഎംകെ നേതാവ്
അടുത്ത നാലോ ആറോ മാസത്തിനുള്ളില് അദ്ദേഹം വീണ്ടും എം.കെ.സ്റ്റാലിന് മുഖ്യമന്ത്രിയാകുമെന്ന് ഡിഎംകെ നേതാവ്. തമിഴ്നാട്ടില് വിജയിന്റെ നേതൃത്വത്തിലുള്ള തമിഴക വെട്രി കഴകം (ടിവികെ) സര്ക്കാര് ആറുമാസം തികയ്ക്കില്ലെന്നും ടിവികെ നേതാവും മന്ത്രിയുമായ ആദവ് അര്ജുനയ്ക്ക് ധൈര്യമുണ്ടെങ്കില് രാജിവച്ച് ജനവിധി തേടണമെന്നും ഡിഎംകെ നേതാവ്. തിരുച്ചന്തൂര് എംഎല്എയും കഴിഞ്ഞ സര്ക്കാരിലെ മല്സ്യത്തൊഴിലാളി ക്ഷേമ മന്ത്രിയുമായ അനിത രാധാകൃഷ്ണനാണ് ടിവികെ സര്ക്കാരിന്റെ വീഴ്ച പ്രവചിച്ചത്.
'തലൈവരാണ് (എം.കെ.സ്റ്റാലിന്) അടുത്ത മുഖ്യമന്ത്രി. അടുത്ത നാലോ ആറോ മാസത്തിനുള്ളില് അദ്ദേഹം വീണ്ടും മുഖ്യമന്ത്രിയാകും. അദ്ദേഹം തിരുച്ചിയില് മല്സരിക്കണം. കൊളത്തൂരിനെ സ്റ്റാലിന് സിംഗപ്പൂരാക്കിയിരുന്നു. ആദവ് അര്ജുന എന്ന ടിവികെ നേതാവിനെ ഞാന് വെല്ലുവിളിക്കുകയാണ്. ധൈര്യമുണ്ടെങ്കില് എംഎല്എ സ്ഥാനം രാജിവച്ച് എനിക്കെതിരെ തിരുച്ചെന്തൂരില് മല്സരിക്കണം.' – അനിത രാധാകൃഷ്ണന് പറഞ്ഞു. ഇത്തവണ സ്റ്റാലിന് പരാജയപ്പെട്ട കൊളത്തൂരിലെ വോട്ടര്മാരെ 'വിലകുറഞ്ഞവര്' എന്നും രാധാകൃഷ്ണന് പരിഹസിച്ചു.
മുന് ഡിഎംകെ നേതാവും നിലവില് ടിവികെ എംഎല്എയുമായ വി.എസ്.ബാബുവാണ് കൊളത്തൂരില് സ്റ്റാലിനെ പരാജയപ്പെടുത്തിയത്. അതേസമയം, മുഖ്യമന്ത്രി വിജയിന്റെ ഓഫിസോ ടിവികെയോ രാധാകൃഷ്ണന്റെ പ്രസ്താവനയോട് ഇതുവരെ പ്രതികരിച്ചിട്ടില്ല.
https://www.facebook.com/Malayalivartha
