വയനാട്ടില്‍ കെഎസ്ആര്‍ടിസി മിന്നല്‍ ബസും ഓട്ടോറിക്ഷയും കൂട്ടിയിടിച്ച് ഒരു കുടുംബത്തിലെ മൂന്നുപേര്‍ മരിച്ചു. നമ്പിക്കൊല്ലി സ്വദേശിയായ നാരായണന്‍, ഭാര്യ സിജി, മകന്‍ അഭി (അമല്‍) എന്നിവരാണ് മരിച്ചത്. വയനാട് പഴയ വൈത്തിരിയില്‍ തിങ്കളാഴ്ച രാവിലെയാണ് അപകടം നടന്നത്. നാരായണന്‍ സംഭവസ്ഥലത്ത് വെച്ചും ഭാര്യയും മകനും മേപ്പാടി മൂപ്പന്‍സ് മെഡിക്കല്‍ കോളേജില്‍വെച്ചുമാണ് മരിച്ചത്.