കുടകില് ആനകള് കൊമ്പുകോര്ക്കുന്നതിനിടയില്പ്പെട്ട യുവതിയ്ക്ക് ദാരുണാന്ത്യം
കര്ണാടകയിലെ കുടകില് ആനത്താവളത്തില് ആനകള് കൊമ്പുകോര്ക്കുന്നതിനിടയില്പ്പെട്ട യുവതിക്ക് ദാരുണാന്ത്യം. ചെന്നൈ സ്വദേശി ജിന്നുവാണ് ആനകള്ക്കിടയില്പ്പെട്ട് മരിച്ചത്. ഇന്ന് രാവിലെ കര്ണാടകയിലെ ദുബാരെ ആനത്താവളത്തിലാണ് സംഭവം. ആനകള് കുളിക്കുന്നതിനിടെ കൊമ്പുകോര്ക്കുകയും ഇതിനിടയില് യുവതിപ്പെട്ടുപോകുകയുമായിരുന്നു. ആനത്താവളത്തില് ആനകള് കുളിക്കുന്ന ഇടത്തേക്ക് സഞ്ചാരികള് എത്തുന്നത് പതിവാണ്.
പരിശീലനം ലഭിച്ച കാഞ്ചന്, മാര്ത്താണ്ഡ എന്നീ ആനകള് തമ്മിലാണ് കൊമ്പുകോര്ക്കല് ഉണ്ടായത്. ഏറ്റുമുട്ടലിനിടെ ആനയുടെ സമനില തെറ്റി. ആനകളെ തടയാന് പാപ്പാന്മാര് ശ്രമിച്ചെങ്കിലും സ്ഥിതി പെട്ടെന്ന് വഷളായതായി ഉദ്യോഗസ്ഥര് പറഞ്ഞു. കാഞ്ചന് മാര്ത്താണ്ഡയിലേക്ക് പാഞ്ഞുകയറുകയും തമ്മില് ഇടിക്കുകയും ചെയ്തു. മാര്ത്താണ്ഡന് സമനില തെറ്റി വീണപ്പോള്, സമീപത്ത് നിന്നിരുന്ന യുവതി ആനയുടെ അടിയില് കുടുങ്ങുകയായിരുന്നു. യുവതിയുടെ മൃതദേഹം കുശാല്നഗര് ആശുപത്രിയില് സൂക്ഷിച്ചിരിക്കുകയാണ്. തുടര്നടപടികള് പൂര്ത്തിയാക്കിയ ശേഷം മൃതദേഹം ബന്ധുക്കള്ക്ക് വിട്ടുനല്കും.
https://www.facebook.com/Malayalivartha
