മലപ്പുറത്ത് വണ്ടൂരില്‍ കുടിവെള്ള പദ്ധതിയുടെ ഭാഗമായി നിര്‍മ്മിച്ച തോട്ടില്‍ സാമൂഹിക വിരുദ്ധര്‍ വിഷം കലര്‍ത്തിയെന്നാരോപണം. മീന്‍ പിടിക്കാന്‍ ചിലര്‍ തോട്ടില്‍ വിഷം കലര്‍ത്തിയതാണ് നാട്ടുകാരുടെ വെള്ളം കുടി മുട്ടിച്ചത്. ഇരുനൂറോളം കുടുംബങ്ങളുടെ കുടിവെള്ളമാണ് സാമൂഹിക വിരുദ്ധര്‍ മോശമാക്കിയത്.

തോടിന്റെ ഈ ഭാഗത്ത് ഏത് കടുത്ത വേനലിലും വറ്റാത്ത മൂന്ന് കുഴികളുണ്ട്. ഈ കുഴികളില് നിന്നാണ് പ്രദേശത്തെ വീടുകളിലേക്ക് കുടിവെള്ളമെത്തിക്കാന് ജലസംഭരണി ഒരുക്കിയിട്ടുള്ളത്. നിറയെ ചെറു മല്‍സ്യങ്ങളുള്ള ഈ ഭാഗത്താണ് മൂന്നിടങ്ങളിലായി സാമൂഹിക വിരുദ്ധര്‍ വിഷം കലര്‍ത്തിയത്.

മീനുകള്‍ നിറയെ ചത്തു പൊങ്ങുന്നത് ശ്രദ്ധയില്‍പെട്ട നാട്ടുകാര്‍ നടത്തിയ പരിശോധനയിലാണ് വിഷം കലക്കിയത് കണ്ടെത്തിയത്. കുടിവെള്ളത്തോടൊപ്പം, കുളിക്കാനും മറ്റ് ആവശ്യങ്ങള്‍ക്കുമെല്ലാം പ്രദേശ വാസികള്‍ക്കുള്ള ഏകാശ്രയമായിരുന്നു ഈ തോട്. ഇനി മഴ പെയ്ത് കുഴിയില്‍ വെള്ളം നിറയാതെ വിഷവെള്ളം ഒഴുകി പോകില്ല. അസഹ്യമായ ദുര്‍ഗന്ധവും ഇവിടെ അനുഭവപെടുന്നുണ്ട്. പ്രദേശത്ത് ഇത്തരമൊരു അനുഭവം ആദ്യമായിട്ടാണെന്നും കുറ്റക്കാരെ കണ്ടത്തി മാതൃകാപരമായി ശിക്ഷിക്കാന്‍ അധികൃതര്‍ തയ്യാറാകണമെന്നുമാണ് നാട്ടുകാരുടെ ആവശ്യം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha