" തുടക്കം " എന്ന പരിപാടിയുടെ സംസ്ഥാന തല ഉത്ഘാടനം ആരോഗ്യ - കുടുംബക്ഷേമ - ദേവസ്വം മന്ത്രി കെ.മുരളീധരൻ തിരുവനന്തപുരത്ത് നിർവ്വഹിച്ചു. സർക്കാർ മെഡി: കോളേജ് പരിസരങ്ങളിലെ ശുചിത്വം, വെള്ളക്കെട്ട് മാലിന്യ നിർമ്മാജനം കാര്യക്ഷമമാക്കുക, രോഗ പ്രതിരോധ പ്രവർത്തനങ്ങൾ ശക്തി പ്പെടുത്തുക എന്ന ലക്ഷ്യങ്ങളോടെയുള്ള ജനകീയ ശുചീകരണ പ്രവർത്തനമാണിത്.

ഇന്ന് കാണുന്ന പല സാംക്രമിക രോഗങ്ങളുടെയും കാരണം ശുചിത്വമില്ലായ്മയാണ്. കാലഘട്ടത്തിന് അനുസരിച്ച് ആശുപത്രികളിലെയും ശുചീകരണത്തിന് മാറ്റം വരണം .സിസ്റ്റം തകരാറിലെന്ന് പറഞ്ഞിട്ട് കാര്യമില്ല. ആ സിസ്റ്റത്തെ നന്നാക്കുകയാണ് എൻ്റെ ജോലി, അത് ഞാൻ ചെയ്തിരിക്കും.

ഈ പ്രോജക്ടിൻ്റെ ജീവനാഡി എന്ന് പറയുന്നത് ശുചീകരണ തൊഴിലാളികളാണ്. അവർ അർപ്പണബോധത്തോടെ ഈ പദ്ധതിയുമായി മുന്നോട്ട് പോയാൽ അവർക്ക് എന്ത് പ്രയാസം നേരിട്ടാലും ഈ വകുപ്പും, സർക്കാറും സംരക്ഷിക്കും എന്ന് മന്ത്രി ഉറപ്പ് നൽകി.അടുത്ത ഘട്ടം ആശുപത്രികളിൽ നിലത്ത് കിടക്കുന്ന രോഗികൾക്ക് കട്ടിലുകൾ ലഭ്യമാക്കി കൊണ്ടുള്ള പദ്ധതിയുമായി സർക്കാർ മുന്നോട്ട് പോകുകയാണന്ന് മന്ത്രി കെ മുരളീധരൻ പറഞ്ഞു .