സംസ്ഥാനത്ത് കാട്ടാന ആക്രമണത്തിൽ വീണ്ടും മരണം. ഇടുക്കി ചിന്നക്കനാലിൽ സ്ത്രീ കൊല്ലപ്പെട്ടു. സൂര്യനെല്ലി സ്വദേശിയാണ് മരിച്ചത്. ഒരു കുട്ടിക്ക് പരിക്കേറ്റു. ഇന്ന് രാവിലെയാണ് ആക്രമണം നടന്നത്. കൂടുതൽ വിവരങ്ങൾ അറിവായിട്ടില്ല. സ്ഥിരമായി ആനയിറങ്ങുന്ന സ്ഥമാണ് ചിന്നക്കനാൽ.

ഇതോടെ സംസ്ഥാനത്ത് രണ്ടാഴ്ചയ്ക്കിടെ കാട്ടാന ആക്രമണത്തിൽ അഞ്ച് പേരാണ് കൊല്ലപ്പെട്ടത്. മെയ്24-ന് പെരുമ്പാവൂരിൽ വനംവകുപ്പിന്റെ താൽക്കാലിക വാച്ചറെ ആന കൊലപ്പെടുത്തിയതായിരുന്നു ആദ്യ സംഭവം. കഴിഞ്ഞ ബുധനാഴ്ചയും ജനവാസമേഖലയിലെ കാട്ടാന ആക്രമണത്തിൽ യുവാവ് കൊല്ലപ്പെട്ടിരുന്നു. കാഞ്ഞിരംപാറ പേണുവിൽ നാരായണൻ–ഭവാനി ദമ്പതികളുടെ മകൻ രാജേഷ്‌ (45) ആണ്‌ ദാരുണമായി കൊല്ലപ്പെട്ടത്‌.

തുടർച്ചയായുണ്ടാകുന്ന ഈ ആക്രമണങ്ങൾ ഹൈറേഞ്ച് ജില്ലകളിലെ കർഷകരുടെയും വന അതിർത്തികളിൽ താമസിക്കുന്നവരുടെയും അതുവഴി യാത്ര ചെയ്യുന്നവരുടേയും ജീവനും ഉപജീവനത്തിനും കടുത്ത ഭീഷണിയാണ് ഉയർത്തുന്നത്.