ഓട്ടോറിക്ഷ മിനിമം ചാര്ജ് 50 രൂപയായി വര്ധിപ്പിക്കണമെന്ന് ഓട്ടോ തൊഴിലാളി യൂണിയന്
ഇന്ധനവില കുതിച്ചു കയറുന്ന സാഹചര്യത്തില് ഓട്ടോറിക്ഷ ചാര്ജ് മിനിമം 50 രൂപയായി അടിയന്തരമായി വര്ധിപ്പിക്കണമെന്നും ഓട്ടോ ചാര്ജ് സംബന്ധിച്ച സര്ക്കാരിന്റെ അശാസ്ത്രീയ ഉത്തരവ് തിരുത്തണമെന്നും ആവശ്യപ്പെട്ട് ഓള് കേരള സ്വതന്ത്ര ഓട്ടോ തൊഴിലാളി യൂണിയന്റെ (എകെഎസ്എടിയു എച്ച്എംഎസ്) നേതൃത്വത്തില് ഓട്ടോ തൊഴിലാളികള് 10ന് സെക്രട്ടേറിയറ്റിനു മുന്നില് മാര്ച്ചും ധര്ണയും നടത്തും. മാര്ച്ച് എച്ച്എംഎസ് സംസ്ഥാന ജനറല് സെക്രട്ടറി ടോമി മാത്യു ഉദ്ഘാടനം ചെയ്യും.
ഓട്ടോറിക്ഷകളുടെ മിനിമം ചാര്ജ് 50 രൂപയായും പിന്നീടുള്ള ഓരോ കിലോമീറ്ററിനും 25 രൂപയായും വര്ധിപ്പിക്കുക, സിഎഫ്, ക്ഷേമനിധി, അനധികൃത സര്വീസ്, പാര്ക്കിങ് സൗകര്യങ്ങള് തുടങ്ങി ഓട്ടോ തൊഴിലാളികള് നേരിടുന്ന പ്രധാനപ്പെട്ട പ്രശ്നങ്ങള് ചര്ച്ച ചെയ്ത് പരിഹരിക്കുക തുടങ്ങിയ ആവശ്യങ്ങളുന്നയിച്ചാണു സമരമെന്നു എകെഎസ്എടിയു ജനറല് സെക്രട്ടറി എന്.ലക്ഷ്മണന് അറിയിച്ചു.
https://www.facebook.com/Malayalivartha
