മലയാലപ്പുഴയിൽ പ്രായപൂർത്തിയാകാത്ത പത്താം ക്ലാസ് വിദ്യാർത്ഥിനിയെ പീഡിപ്പിച്ച കേസിൽ കെട്ടിട ഉടമ ഉൾപ്പെടെ മൂന്ന് പ്രതികളെ പോലീസ് അറസ്റ്റ് ചെയ്ത് റിമാൻഡ് ചെയ്തു. കുട്ടിയുടെ സ്വന്തം അച്ഛൻ ഉൾപ്പെടെയുള്ള മറ്റ് പ്രതികൾക്കായി ലുക്ക്ഔട്ട് നോട്ടീസ് പുറപ്പെടുവിക്കാനുള്ള നടപടികൾ പോലീസ് ആരംഭിച്ചു. ഇൻസ്‌പെക്ടർ ഷാഫി ബി.എമ്മിന്റെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്. കടുത്ത മാനസിക ആഘാതത്തിലുള്ള പെൺകുട്ടിക്ക് ചൈൽഡ് വെൽഫെയർ കമ്മിറ്റി (CWC) നിലവിൽ പൂർണ്ണ സുരക്ഷിതത്വവും കൗൺസിലിംഗും ഉറപ്പാക്കിയിട്ടുണ്ട്.