ക്രിമിനൽ കേസുകളിലെ പ്രതി അർജുൻ ആയങ്കി പൊലീസിനെ വെല്ലുവിളിച്ചതിൽ മറുപടിയുമായി ആഭ്യന്തര മന്ത്രി രമേശ് ചെന്നിത്തല. ധൈര്യമുണ്ടെങ്കിൽ പിടിക്കാനായിരുന്നു ആയങ്കി പൊലീസിനെ വെല്ലുവിളിച്ചത്. ‘‘ധൈര്യമുണ്ടേൽ പിടിക്കാൻ പൊലീസിനോട് പറഞ്ഞവർക്ക് ഇനി എന്താ വരാൻ പോകുന്നതെന്നു നിങ്ങൾ നോക്കിയാൽ മതി’ എന്നായിരുന്നു ആഭ്യന്തര മന്ത്രി വാർത്താ സമ്മേളനത്തിൽ പറഞ്ഞത് . ഗുണ്ടകളെ നേരിടാൻ ശക്തമായ നടപടികളുമായി മുന്നോട്ടുപോകുകയാണെന്നും ചെന്നിത്തല പറഞ്ഞു. എന്നാൽ ഇതിനു മറുപടിയുമായി അർജുൻ ആയങ്കി രംഗത്ത് എത്തിയിരുന്നു . വാർത്തകൾക്ക് കീഴെ തൂക്കി കൊല്ലുമായിരിക്കും എന്ന ചോദ്യമാണ് അർജുൻ ഉന്നയിക്കുന്നത്.

കോതമംഗലം ഇൻസ്പെക്ടറെ ഭീഷണിപ്പെടുത്തിയ കേസ് അന്വേഷിക്കുന്ന ഊന്നുകൽ ഇൻസ്പെക്ടർ ബി.എസ്. ആദർശിനെ അർജുൻ ആയങ്കി സമൂഹമാധ്യമങ്ങളിലൂടെ അധിക്ഷേപിച്ചിരുന്നു . ഇതിൽ അർജുൻ ആയങ്കിക്കെതിരെ ഇന്നലെ പൊലീസ് കേസെടുത്തിരുന്നു. ഇതിനെ സംബന്ധിച്ച ചോദ്യങ്ങൾക്കാണ് രമേശ് ചെന്നിത്തല മറുപടി പറഞ്ഞത്.

ഗുണ്ടകളെ പൂട്ടാൻ ശക്തമായ നടപടികളുമായി മുന്നോട്ട് പോവുകയാണെന്നും ചെന്നിത്തല വ്യക്തമാക്കി. ഇതാണ് അർജുൻ ആയങ്കിയെ പ്രകോപിപ്പിച്ചത്.കീഴടങ്ങാമെന്നു വ്യക്തമാക്കിയിട്ടും തന്റെ സുഹൃത്തുക്കളുടെ പിന്നാലെ പൊലീസ് പോയെന്ന് ആരോപിച്ചായിരുന്നു സോഷ്യൽ മീഡിയയിലൂടെ അർജുൻ ആയങ്കി വെല്ലുവിളിച്ചത്.