ബാറിന്റെ പാര്ക്കിങ് ഏരിയയില് വച്ച് യുവാവിനെ ആക്രമിച്ച 3 പേര് അറസ്റ്റില്
07 AUGUST 2026 11:29 PM IST
മലയാളി വാര്ത്ത
ബാറിന്റെ വാതില് ദേഹത്ത് തട്ടിയതിലുള്ള വിരോധത്തില് പാര്ക്കിങ് ഏരിയയില് വച്ച് യുവാവിനെ ആക്രമിച്ച 3 പേര് അറസ്റ്റില്. പെരുമ്പാവൂര് കാരാട്ട് പള്ളിക്കര നെല്ലിപ്പിള്ളില് സിജില് ( 52 ), ഈയം കുഴിയില് ബൈജു (48), മാറമ്പിള്ളി പുത്തന്പുരയ്ക്കല് ഷാനവാസ്(40) എന്നിവരാണ് പിടിയിലായത്. വ്യാഴാഴ്ച രാത്രിയാണ് സംഭവം.
അഭിഷേക് എന്നയാളെയാണ് ആക്രമിച്ചത്. മദ്യപിച്ച് ബാറില് നിന്ന് പുറത്തിറങ്ങുന്ന വഴി ബാറിന്റെ വാതില് ദേഹത്ത് തട്ടിയതിലുള്ള വിരോധമാണ് അക്രമത്തിന് കാരണം. വിവിധ സ്ഥലങ്ങളില് നിന്നാണ് പ്രതികളെ അറസ്റ്റ് ചെയ്തത്. പെരുമ്പാവൂര് പൊലീസ് സ്റ്റേഷന് ഇന്സ്പെക്ടര് എല്.അനില്കുമാര്, എസ്ഐമാരായ അസിരിഫ് ഷഫീഖ് ,ജോജോ ജോര്ജ്, കെ.ആദര്ശ്, പി.കെ.വിനാസ്, എഎസ്ഐഎം ബി.സുബൈര് സിപിഒ എ.കെ.നജ്മി, എം.ബി.ജയന്തി എന്നിവരടങ്ങിയ സംഘമാണ് പ്രതികളെ പിടികൂടിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
