സങ്കടക്കാഴ്ചയായി... തുമ്പിക്കൈയിലെ മുറിവി​ൽ മരുന്ന് പുരട്ടുന്നതിനിടെ ഇടഞ്ഞ പി​ടി​യാനയുടെ തേറ്റകൊണ്ടുള്ള കുത്തേറ്റ് പാപ്പാന് ദാരുണാന്ത്യം. കോന്നി ചേരിമുക്ക് പുളിക്കമണ്ണിൽ മോഹനൻ നായർ (62) ആണ് മരി​ച്ചത്.

ഇന്നലെ ഉച്ചയ്ക്ക് ശേഷം 3.45ന് ആനത്താവളത്തി​ലെ ആനത്തറി​യി​ലാണ് സംഭവം. 44 വയസുള്ള പ്രിയദർശിനിയെന്ന പി​ടി​യാനയാണ് ആക്രമണകാരി​യായത്. ചങ്ങലയി​ൽ ബന്ധി​ച്ചി​രുന്ന ആനയ്ക്ക് തീറ്റ നൽകി​യ ശേഷം തുമ്പിക്കൈയി​ലെ മുറി​വി​ൽ മരുന്ന് പുരട്ടുകയായി​രുന്നു മോഹനൻ നായർ.
അപ്പോഴാണ് ആക്രമിച്ചത്.  ഓടിയെത്തിയ മറ്റു പാപ്പാന്മാർ മോഹനൻ നായരെ ആനത്തറി​യിൽ നിന്ന് പുറത്തെത്തിച്ച് താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാൻ കഴിഞ്ഞില്ല.

തേറ്റകൊണ്ടുള്ള കുത്താണ് മരണകാരണം. തീറ്റയെടുക്കുന്നതി​നി​ടെ കമ്പുകൊണ്ട് ആനയ്ക്ക്മുറി​വേൽക്കുകയായി​രുന്നു. കഴിഞ്ഞ 15 വർഷമായി കോന്നി ആനത്താവളത്തിലെ പാപ്പാനാണ് മോഹനൻ നായർ. മൃതദേഹം കോന്നി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. സംസ്കാരം പിന്നീട് നടക്കുകം . ഭാര്യ: രമാദേവി. മക്കൾ: രഞ്ജിനി, രശ്മി.