ഓഫീസിൽ വെച്ച് എലിവിഷം കഴിച്ച് ചികിത്സയിലായിരുന്ന കാസർകോട് കളക്ടറേറ്റിലെ സീനിയർ ക്ലർക്ക് ആശ (41) മരിച്ചു. എതിർത്തോട് സ്വദേശിനിയായ ഇവർ കഴിഞ്ഞ കുറച്ചുദിവസങ്ങളായി അതീവ ഗുരുതരാവസ്ഥയിൽ ആശുപത്രിയിൽ ചികിത്സയിലായിരുന്നു.കഴിഞ്ഞ വെള്ളിയാഴ്ചയാണ് ആശയെ ഓഫീസിനുള്ളിൽ എലിവിഷം കഴിച്ച് അവശനിലയിൽ കണ്ടെത്തിയത്.

തുടർന്ന് സഹപ്രവർത്തകർ ഉടൻ തന്നെ ഇവരെ ആശുപത്രിയിൽ പ്രവേശിപ്പിക്കുകയായിരുന്നു. ചികിത്സയിലിരിക്കെ ഇന്ന് (ഞായറാഴ്ച) ആണ് മരണം സംഭവിച്ചത്.അടുത്തിടെ റവന്യൂ വകുപ്പിൽ നിന്ന് ആശയെ എൻഡോസൾഫാൻ സെല്ലിലേക്ക് സ്ഥലം മാറ്റിയിരുന്നു. ഈ സ്ഥലംമാറ്റത്തെത്തുടർന്നുണ്ടായ മാനസിക വിഷമമാണോ ജീവനൊടുക്കാൻ പ്രേരിപ്പിച്ചതെന്ന കാര്യത്തിൽ വ്യക്തത വന്നിട്ടില്ല. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.