സംസ്ഥാനത്തെ മത്സ്യത്തൊഴിലാളികള്ക്ക് സ്വാഭാവിക മരണം സംഭവിച്ചാലും ഇന്ഷുറന്സ് ലഭിക്കുന്ന പദ്ധതി നടപ്പിലാക്കുമെന്ന് ഫിഷറീസ് മന്ത്രി വി ഇ അബ്ദുല് ഗഫൂര്...
സംസ്ഥാനത്തെ മത്സ്യത്തൊഴിലാളികള്ക്ക് സ്വാഭാവിക മരണം സംഭവിച്ചാലും ഇന്ഷുറന്സ് ലഭിക്കുന്ന പദ്ധതി നടപ്പിലാക്കുമെന്ന് ഫിഷറീസ് മന്ത്രി വി ഇ അബ്ദുല് ഗഫൂര്.
മത്സ്യത്തൊഴിലാളികള് സ്വാഭാവിക രോഗം ബാധിച്ചോ ഹൃദയാഘാതം മൂലമോ മരിക്കുമ്പോള് നിലവില് ഇന്ഷുറന്സ് നല്കുകയുണ്ടായിരുന്നില്ല. അപകടമരണത്തിനും അപകടത്തില് അംഗവൈകല്യം സംഭവിക്കുമ്പോഴുമാണ് ഇന്ഷുറന്സ് ഉള്ളത്. പുതിയ പദ്ധതി നിലവില് വരുന്നതോടെ സംസ്ഥാനത്തെ മുഴുവന് അംഗീകൃത മത്സ്യത്തൊഴിലാളികള്ക്കും ഇന്ഷുറന്സ് പരിരക്ഷ ഉറപ്പാകുന്നതാണ്.
മത്സ്യമേഖലയിലെ ബോട്ടുടമകളുടെ സംഘടനാ പ്രതിനിധികളുമായി നടത്തിയ ചര്ച്ചയിലാണ് മന്ത്രി പുതിയ ഇന്ഷുറന്സ് പദ്ധതി പ്രഖ്യാപിച്ചിട്ടുള്ളത്. കാലാവധി കഴിഞ്ഞ മത്സ്യബന്ധന യാനങ്ങള്ക്ക് ലൈസന്സ് പുതുക്കുന്നതില് നേരിടുന്ന പ്രശ്നങ്ങള് പരിഹരിക്കാനും തീരുമാനമായിട്ടുണ്ട്.
കടല് മത്സ്യബന്ധനവുമായി ബന്ധപ്പെട്ട് നിലവിലുള്ള കേരള മറൈന് ഫിഷിംഗ് റെഗുലേഷന് ആക്ട് കാലോചിതമായി പരിഷ്കരിക്കാനായി തീരുമാനമായി. ഇതിനാവശ്യമായ പരിശോധനകള് നടത്തി റിപ്പോര്ട്ട് സമര്പ്പിക്കാനായി ഉടന് തന്നെ വിദഗ്ധസമിതിയെ നിയോഗിക്കുകയും ചെയ്യും. മത്സ്യമേഖലയില് പ്രവര്ത്തിക്കുന്നവരുടെ അഭിപ്രായങ്ങള് കൂടി സ്വീകരിച്ചുകൊണ്ടാകും നിയമഭേദഗതിയിലേക്ക് കടക്കുന്നത്.
https://www.facebook.com/Malayalivartha
