യു ഡി എഫ് പ്രവർത്തകർക്കായി മുൻ പാലക്കാട് എം എൽ എ രാഹുൽ മാങ്കൂട്ടത്തിലിന്റെ മുന്നറിയിപ്പ്. അദ്ദേഹത്തിന്റെ ഫേസ്ബുക്ക് പോസ്റ്റിന്റെ പൂർണ രൂപം ഇങ്ങനെ ;

മാന്യ മഹാ യു ഡി എഫ് ജനങ്ങളേ, സഹപ്രവർത്തകരേ,നിങ്ങളുടെ പ്രത്യേക ശ്രദ്ധയ്ക്ക്. പത്ത് വർഷക്കാലം പ്രതിപക്ഷത്തിരുന്നപ്പോൾ ഇനി ഒരിക്കലും കോൺഗ്രസിന് തിരിച്ചുവരവില്ല, UDF അധികാരത്തിൽ വരില്ല എന്ന് കരുതി, വിജയനായി ഓവർ ടൈം പണിയെടുത്ത്, അവിടെ നിന്ന് കിട്ടാവുന്ന ചില്ലറയെല്ലാം വാങ്ങിയെടുത്ത കീശ വീർപ്പിച്ച ചില അവസരവാദ ‘റോക്കറ്റുകളുണ്ട്‘. സർക്കാരിന്റെ PR സ്ട്രാറ്റജി മുഴുവൻ ഈ അലവലാതികൾ ആയിരുന്നു ചെയ്തത്.

ഇവരാണ് നമ്മുടെ നേതാക്കളെ വ്യക്തി തിപരമായി ആക്ഷേപിക്കുന്ന അജണ്ടകൾ കൊണ്ട് വന്നത്. അതിന് കാശും വാങ്ങി കീശയും നിറച്ചു.ഇപ്പോൾ സർക്കാർ മാറി UDF അധികാരത്തിലേക്ക് എത്തുന്ന സാഹചര്യം വന്നതോടെ, ചെറിയ തോതിൽ വിജയനെ വിമർശിക്കുക,

CPI(M)-നെ തിരുത്തുക,UDF സർക്കാരിന്റെ നല്ല വശങ്ങൾ പറയുക തുടങ്ങിയ പൊടിക്കൈകൾ ചെയ്ത് ഒരു പാലം പണിതുവെക്കാനുള്ള ശ്രമം ഈ അവസരവാദികൾ തുടങ്ങിയിട്ടുണ്ട്.എനിക്ക് CPI(M)ൽ സുഹൃത്തുക്കൾ വളരെ കുറവാണ് ഇല്ലെന്ന് തന്നെ പറയാം. എന്നാൽ പരിചയമുള്ള രണ്ട് യുവ CPI(M) നേതാക്കളോട് ഞാൻ നേരത്തെ തന്നെ പറഞ്ഞിരുന്നു: ഇത്തരത്തിലുള്ള അവസരവാദികളെ സൂക്ഷിക്കണം എന്ന്. അത് അവരോടുള്ള സ്നേഹം കൊണ്ട് അല്ല മറിച്ച് ഇത്തരം ആശയ അടിത്തറ ഇല്ലാത്തവരുടെ വയറ്റിപ്പിഴപ്പ് അല്ലല്ലോ രാഷ്ട്രീയം.

ഇന്ന് അതിലൊരാൾ വിളിച്ച്, അന്ന് ഞാൻ പറഞ്ഞത് ശരിയായിരുന്നുവെന്ന് പറഞ്ഞു.ഇപ്പോൾ വീണ്ടും യുഡിഎഫിലെ ഏതെങ്കിലും നേതാക്കളെ കണ്ട് സ്വാധീനിച്ച്, നമ്മുടെ ഭാഗമായി എന്തെങ്കിലും ചെറിയ ചില്ലറ നേടിയെടുക്കാമോ എന്ന് നോക്കുന്നതിനാണ് ഈ പുതിയ അഭിപ്രായങ്ങൾ. നിഷ്കളങ്കരായ നമ്മൾ ‘യ്യോ ഇവർ എത്ര യോഗ്യർ “ എന്ന് തെറ്റിദ്ധരിച്ചു ചേർത്തു നിർത്തണ്ട. വിജയനെ പോലെ തന്നെ ഇവരെ കൂടിയാണ് ജനം വലിച്ചെറിഞ്ഞത്. “പരമ നാറികളാണ്” എന്ന് ചുരുക്കം. അധികാരം ഉള്ളപ്പോൾ അധികാരം ഉള്ളടുത്തേക്ക് ചേക്കേറുന്ന ചീവിടുകളെ നമുക്ക് വേണ്ടാ.

നമ്മൾ ഒരു ലൈക്ക് കൊണ്ട് പോലും മൈൻഡ് ചെയ്യണ്ട, പതുക്കെ ബിജെപി ക്കൊപ്പം ചേരാൻ നോക്കിക്കോളും. അവരും തഴഞ്ഞാൽ പിന്നേം CPIM അവിടെ എടുത്തിലെങ്കിൽ TVK. ഇവർക്കു അങ്ങനെ പ്രത്യേകിച്ച് ആശയം ഒന്നുമില്ല ആമാശയം മാത്രം!!!!അല്ലയോ റോക്കറ്റുകളെ,നിന്റെ ഒക്കെ ചാട്ടം എങ്ങോട്ടാണെന്ന് ഞങ്ങൾക്ക് മനസ്സിലാകുന്നുണ്ട്. ആ ചാട്ടം ഞങ്ങളുടെ ചട്ടിയിൽ വേവുകയില്ല.