മലയാളി ദൃശ്യമാധ്യമ രംഗത്ത് വലിയ തരംഗങ്ങൾ സൃഷ്ടിച്ച റിപ്പോർട്ടർ ടിവിയിലെ മാനേജ്‌മെന്റ്-എഡിറ്റോറിയൽ തർക്കങ്ങളും പുതിയ വിവാദങ്ങളും ചർച്ചയാകുന്നു. റിപ്പോർട്ടർ ടിവി എംഡി ആന്റോ അഗസ്റ്റിന്റെ അറസ്റ്റും പിന്നാലെയുള്ള തുടർക്കഥകളുമാണ് മാധ്യമലോകത്തെ ഇപ്പോഴത്തെ പ്രധാന ചർച്ചാവിഷയം. വധശ്രമക്കേസ് മുതൽ അബ്കാരി വരെയുള്ള പതിനഞ്ചോളം ക്രിമിനൽ കേസുകളുടെ പശ്ചാത്തലത്തിൽ ആന്റോ അഗസ്റ്റിന്റെ നടപടികളെ ചോദ്യം ചെയ്ത് മുൻ സഹപ്രവർത്തകർ തന്നെ ഇപ്പോൾ രംഗത്തെത്തിയിരിക്കുകയാണ്."മരം മുതൽ മദ്യം വരെ തട്ടിപ്പ് ധാരാളം!"

ഒരുകാലത്ത് ആന്റോ അഗസ്റ്റിനെ 'ആന്റോ സാർ' എന്ന് പരസ്യമായി സംബോധന ചെയ്തിരുന്ന സുജയ പാർവ്വതി, തന്റെ മുൻ സ്ഥാപന മേധാവിക്കെതിരെ ബിഗ് ടിവി ഫ്ലോറിൽ കടുത്ത വിമർശനവുമായി രംഗത്തെത്തിയതോടെ മാധ്യമ ലോകത്ത് വൻ അട്ടിമറിയാണ് നടന്നിരിക്കുന്നത്.അതേസമയം, "കൂടെനിന്ന് വിഷം തുപ്പുന്നവർ നീചരാണ്" എന്ന തരത്തിലുള്ള പ്രതികരണങ്ങളുമായി റിപ്പോർട്ടർ ടിവിയിലെ പഴയ സൗഹൃദങ്ങൾ തകരുന്നതിന്റെ സൂചനകൾ പുറത്തുവരുന്നു. സുജയയുടെ നിലപാടുകൾക്കെതിരെ ഒളിയമ്പുകളുമായി ഡോ. അരുൺ കുമാറിന്റെ സോഷ്യൽ മീഡിയ പോസ്റ്റുകളും ഇപ്പോൾ ചർച്ചയാകുന്നുണ്ട്.