വടകരയില്‍ നിര്‍ത്തിയിട്ട കാറിന് തീപിടിച്ച് പൂര്‍ണമായും കത്തി നശിച്ചു. കൈനാട്ടിക്ക് സമീപം മുട്ടുങ്ങലിലാണ് സംഭവം. മുട്ടുങ്ങലിലെ ഇന്‍ഡസ് മോട്ടോഴ്‌സ് ജീവനക്കാരന്റെ മാരുതി റിറ്റ്‌സ് കാറാണ് പൂര്‍ണമായും കത്തിയത്. ഇന്ന് ഉച്ചയ്ക്ക് 12 മണിയോടെയായിരുന്നു സംഭവം. കാര്‍ വഴിയോരത്ത് നിര്‍ത്തിയിട്ട ശേഷം ഡ്രൈവര്‍ കടയിലേക്ക് പോയപ്പോഴാണ് അപകടമുണ്ടായത്. കാര്‍ പൂര്‍ണമായും കത്തിനശിച്ചു. വടകര ഫയര്‍ ഫോഴ്‌സ് എത്തിയാണ് തീ അണച്ചത്. വടകര പൊലീസും സ്ഥലത്തെത്തി അപകട കാരണം അന്വേഷിച്ചു.