അനധികൃത സ്വത്ത് സമ്പാദന കേസിൽ ജയിലിലായ മുൻ ഡിജിപി ടോമിൻ ജെ. തച്ചങ്കരിക്കെതിരെ രൂക്ഷ പരിഹാസവുമായി മുൻ ഡിജിപിയും ബിജെപി കൗൺസിലറുമായ ആർ. ശ്രീലേഖ. തച്ചങ്കരി ഇപ്പോൾ കഴിയുന്ന തിരുവനന്തപുരം സെൻട്രൽ ജയിലിലെ ആശുപത്രി ബ്ലോക്ക്, താൻ ജയിൽ ഡിജിപി ആയിരുന്നപ്പോൾ മെച്ചപ്പെടുത്തിയതാണെന്നും അത് ഇപ്പോൾ ആർക്കെങ്കിലും പ്രയോജനപ്പെടുന്നുണ്ടെങ്കിൽ സന്തോഷമെന്നും ശ്രീലേഖ ഫെയ്സ്ബുക്കിൽ കുറിച്ചു. ജയിൽ വസ്ത്രം ധരിച്ച്, സി 475 എന്ന തടവുകാരനായി മാറിയ തച്ചങ്കരിക്ക് നേരെ മുൻകാല ശത്രുത പരസ്യമാക്കുന്നതാണ് ശ്രീലേഖയുടെ ഫെയ്സ്ബുക്ക് പോസ്റ്റ്.