സനല് കുമാര് ശശിധരനെതിരെ മഞ്ജുവാര്യര് മാനനഷ്ടക്കേസ് ഫയല് ചെയ്തു
സംവിധായകന് സനല് കുമാര് ശശിധരനെതിരെ എറണാകുളം മുന്സിഫ് കോടതിയില് മാനനഷ്ടത്തിന് കേസ് ഫയല് ചെയ്ത് നടി മഞ്ജു വാര്യര്. നിരന്തരം തന്നെ അപമാനിക്കുന്ന പ്രതികരണങ്ങളാണ് സനല് കുമാര് ശശിധരന് നടത്തുന്നത്. തനിക്കെതിരായി സാമൂഹിക മാദ്ധ്യമങ്ങളില് പങ്കുവച്ച കുറിപ്പുകള് പിന്വലിക്കണമെന്നും ഹര്ജിയില് പറയുന്നു. നടി മഞ്ജു വാര്യര് ഒരു സെക്സ് റാക്കറ്റിന്റെ തടവിലാണെന്നും ഇക്കാര്യം അന്വേഷിക്കണമെന്നുമായിരുന്നു സനല്കുമാറിന്റെ ആവശ്യം.
ഹേമ കമ്മിറ്റി റിപ്പോര്ട്ടിലെ ലൈംഗിക ചൂഷണ ആരോപണങ്ങളില് ഉന്നതതല അന്വേഷണം നടത്തണമെന്നും തനിക്കെതിരായ കേസിന് പിന്നിലെ ഗൂഢാലോചന പുറത്തുകൊണ്ടുവരണമെന്നും ആവശ്യപ്പെട്ടാണ് സനല് കുമാര് ശശിധരന് തിരുവനന്തപുരം സെക്രട്ടേറിയറ്റിന് മുന്നില് അനിശ്ചിതകാല നിരാഹാര സമരം ആരംഭിച്ചത്. തനിക്ക് ലഭിച്ച സംസ്ഥാന ചലച്ചിത്ര പുരസ്കാരങ്ങള് തെരുവില് വച്ചാണ് അദ്ദേഹം സമരം നടത്തുന്നത്. താന് ഉന്നയിച്ച ഗൗരവകരമായ വിഷയങ്ങളില് സര്ക്കാരോ നിയമ സംവിധാനങ്ങളോ അടിയന്തര ഇടപെടല് നടത്താത്തതിനാലാണ് സമരത്തിലേക്ക് കടന്നതെന്നാണ് സനല് കുമാര് പറയുന്നത്.
https://www.facebook.com/Malayalivartha
