പൊലീസ് അന്വേഷണം നല്ല നിലയില്‍ മുന്നോട്ടുപോവുകയാണ്; കേസന്വേഷണത്തിന്റെ കാര്യത്തില്‍ തങ്ങള്‍ സംതൃപ്തരാണെന്ന് കുടുംബാംഗങ്ങള്‍ പറഞ്ഞു; അഭിറാമിനെ കൊലപ്പെടുത്തിയ സംഭവത്തില്‍ കുറ്റവാളികള്‍ക്ക് കടുത്തശിക്ഷ തന്നെ ലഭിക്കുമെന്നുറപ്പ് വരുത്തുമെന്ന് ആഭ്യന്തരമന്ത്രി രമേശ് ചെന്നിത്തല
തിരുവനന്തപുരം ശ്രീകാര്യം പാങ്ങപ്പാറയില്‍ പ്ളസ് വണ്‍ വിദ്യാര്‍ത്ഥി അഭിറാമിനെ കൊലപ്പെടുത്തിയ സംഭവത്തില്‍ കുറ്റവാളികള്‍ക്ക് കടുത്തശിക്ഷ തന്നെ ലഭിക്കുമെന്നുറപ്പ് വരുത്തുമെന്ന് ആഭ്യന്തരമന്ത്രി രമേശ് ചെന്നിത്തല . അഭിറാമിന്റെ മാതാപിതാക്കളെയും കുടുംബാംഗങ്ങളെയും സന്ദര്‍ശിച്ചതിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
പൊലീസ് ആദ്യം മുതലെ നല്ല നിലയില്‍ അന്വേഷണം മുന്നോട്ടുപോവുകയാണ്. കേസന്വേഷണത്തിന്റെ കാര്യത്തില്‍ തങ്ങള്‍ സംതൃപ്തരാണെന്ന് കുടുംബാംഗങ്ങള്‍ തന്നെ പറഞ്ഞിട്ടുണ്ട്. കുറ്റവാളികള്‍ക്ക് കടുത്ത ശിക്ഷതന്നെ വാങ്ങിച്ചു കൊടുക്കും.പതിനേഴ്വയസുമാത്രം പ്രായമുള്ള ഒരു കുട്ടിയെ ഇത്രക്രൂരമായി കൊലപ്പെടുത്തിയത് മനസാക്ഷിയെ ഞെട്ടിപ്പിക്കുന്നതാണ്. അഭിറാമിന്റെ കുടുംബാംഗങ്ങള്‍ നിര്‍ദേശിക്കുന്ന വക്കീലിനെ തന്നെ പ്രോസിക്യുട്ടറായി നല്‍കാന്‍ സര്‍ക്കാര്‍ ഒരുക്കമാണെന്നും രമേശ് ചെന്നിത്തല വ്യക്തമാക്കി.
https://www.facebook.com/Malayalivartha
