മണ്ണന്തല രഞ്ജിത് കൊലക്കേസ് ...കൊലപാതകത്തിൽ നേരിട്ട് പങ്കെടുത്ത 7പ്രതികൾ കുറ്റക്കാരെന്ന് കോടതി കണ്ടെത്തി... വിധി പ്രസ്താവം ഇന്ന്

ആർഎസ്എസ് മണ്ണന്തല മണ്ഡലം ശാരീരിക് ശിക്ഷാ പ്രമുഖ് ആയിരുന്ന മണ്ണന്തല സ്വദേശി രഞ്ജിത് കൊല ക്കേസിൽ കൊലപാതകത്തിൽ നേരിട്ട് പങ്കെടുത്ത 7 പ്രതികൾ കുറ്റക്കാരെന്ന് തലസ്ഥാന വിചാരണ കോടതി കണ്ടെത്തി. കൊലക്കുള്ള ഗൂഡാലോചനയിൽ 6 പ്രതികൾ കുറ്റക്കാരെന്ന് കോടതി കണ്ടെത്തി. എല്ലാ പ്രതികളെയും ജയിലിലേക്കയച്ചു. വിധി പ്രസ്താവം ഇന്ന് പ്രഖ്യാപിക്കും. (ബുധനാഴ്ച) തിരുവനന്തപുരം നാലാം അഡീ. ജില്ലാ സെഷൻസ് ജഡ്ജി സുധാകാന്താണ് കേസ് പരിഗണിച്ചത്.
അമ്പലമുക്ക് കൃഷ്ണകുമാർ എന്ന കിച്ചു, ഫിറോസ് ഖാൻ എന്ന ഫിറോസ് , വിഷ്ണു വിനോദ് എന്ന വിഷ്ണു, ശങ്കര സുബ്രഹ്മണ്യം എന്ന ശങ്കർ, ഗോഡ് വിൻ ഡെന്നിസ് എന്ന നവീൻ, സുരേഷ് എന്ന ഗോപാലൻ സുരേഷ്, സുരേഷ് എന്ന കണ്ണൻ എന്നിവരെയാണ് കൊലപാതകത്തിൽ കുറ്റക്കാരെന്ന് കണ്ടെത്തിയത്.
അമ്പലമുക്ക് കൃഷ്ണകുമാർ എന്ന കിച്ചു, ഹരിപ്രസാദ്, അജികുമാർ എന്ന മൊട്ട അനി, രഞ്ജിത് കുമാർ എന്ന ചുക്രൻ രഞ്ജിത്ത്, കരാട്ടേ സുരേഷ് എന്ന സുരേഷ്, സുരേഷ് എന്ന ഗോപാലൻ സുരേഷ് എന്നിവരെയാണ് കൊലപാതകത്തിനുളള ഗൂഡാലോചനയ്ക്ക് കുറ്റക്കാരെന്ന് കണ്ടെത്തിയത്.
രഞ്ജിത്തിനെ
അമ്പലമുക്ക് കൃഷ്ണ കുമാറിൻ്റെ നേതൃത്വത്തിലുള്ള ഗുണ്ടകൾ അതിക്രൂരമായാണ് കൊലപ്പെടുത്തിയതെന്ന് കേസിലെ ദൃക്സാക്ഷിയായ സജിത്ത് തിരുവനന്തപുരം മുൻ അഡീഷണൽ സെഷൻസ് ജഡ്ജി ആജ് സുദർശൻ മുമ്പാകെ മൊഴി കൊടുത്തിരുന്നു.
താൻ രാവിലെ പാൽ വാങ്ങുവാനായി പോകവെ മണ്ണന്തല കോട്ടമുകളിലുള്ള രജ്ഞിത്തിൻ്റെ പച്ചക്കറി കടയിലേക്ക് പ്രതികൾ രണ്ടു കാറിലും ഒരു ബൈക്കിലുമായി വന്നുവെന്ന് കേസിലെ സ്പെഷ്യൽ പ്രോസിക്യൂട്ടർ അഡ്വ പ്രതാപ് ജി പടിക്കലിൻ്റെ ചീഫ് വിസ്താരത്തിൽ സാക്ഷി പറഞ്ഞു. കടയിലേക്ക് കൊടുവാളും കത്തിയും വെട്ടുകത്തികളുമായി ഓടിക്കയറിയ സംഘം തൻ്റെ കൺമുന്നിൽ വെച്ചാണ് രജ്ഞിത്തിനെ അതിക്രൂരമായി കൊലപ്പെടുത്തിയതെന്നും പറഞ്ഞ സാക്ഷി കേസിലെ പ്രതികളെ കോടതിയിൽ തിരിച്ചറിഞ്ഞു.
രജ്ഞിത്തിനെ ഉപദ്രവിക്കുവാൻ പ്രതികൾ ഉപയോഗിച്ച ആയുധങ്ങളും പ്രതികൾ ക്യത്യത്തിന് എത്തിയ വാഹനങ്ങളും തനിക്ക് തിരിച്ചറിയുവാൻ കഴിയുമെന്ന് സ്പെഷ്യൽ പ്രോസിക്യൂട്ടറുടെ ചോദ്യത്തിന് മറുപടിയായി സജിത്ത് കോടതിയിൽ വ്യക്തമാക്കി. തുടർന്ന് അന്വേഷണ വേളയിൽ പോലിസ് കണ്ടെടുത്ത പ്രതികളുടെ ആയുധങ്ങളും വാഹനങ്ങളും സാക്ഷി കോടതിയിൽ തിരിച്ചറിഞ്ഞു. സംഭവത്തിൻ്റെ തൊട്ടടുത്ത ദിവസം തന്നെ താൻ ഈ വിവരങ്ങൾ എല്ലാം പോലിസിൽ അറിയിച്ചിരുന്നതായി പ്രതിഭാഗത്തിൻ്റെ ക്രോസ് വിസ്താര വേളയിൽ വ്യക്തമാക്കിയ സാക്ഷി രജ്ഞിത്തിനെ കൊലപ്പെടുത്തിയത് പ്രതികൾ തന്നെയാണെന്ന് ആവർത്തിച്ച് വ്യക്തമാക്കി.
രജ്ഞിത്തിനെ ആക്രമിച്ച് കൊലപ്പെടുത്തിയ സംഘത്തിലെ അമ്പലമുക്ക് കൃഷ്ണകുമാർ എന്ന കിച്ചു, ഗോപാലൻ സുരേഷ്, കണ്ണൻ സുരേഷ്, ഫിറോസ് ഖാൻ, ശങ്കർ, ഗോഡ് വിൻ, വിഷ്ണു വിനോദ് എന്നിവരെയാണ് സാക്ഷി കോടതി മുമ്പാകെ തിരിച്ചറിഞ്ഞത്.
കേസിൽ പ്രോസിക്യൂഷന് വേണ്ടി സ്പെഷ്യൽ പ്രോസിക്യൂട്ടർ അഡ്വ പ്രതാപ് ജി പടിക്കലിനോടൊപ്പം അഭിഭാഷകരായ ശ്രീദേവി പ്രതാപ്, ശില്പ ശിവൻ, ഹരീഷ് കാട്ടൂർ, കെ. വി. ഹേമരാജ്, വി.ജി.ഗിരികുമാർ എന്നിവരാണ് ഹാജരായത്.
"https://www.facebook.com/Malayalivartha























