വെഞ്ഞാറമൂട് സ്വദേശിയായ എന്ജിനീയറിംഗ് വിദ്യാര്ത്ഥി പരീക്ഷയില് തോറ്റതിന് ജീവനൊടുക്കി, ആത്മഹത്യക്കു കാരണം ഇയര് ഔട്ട് സംവിധാനം മൂലം ഒരു വര്ഷം നഷ്ട്ടപ്പെടുമെന്നതിനാല്
കേരളം ടെക്നിക്കല് സര്വകലാശാലയിലെ എന്ജിനിയറിംഗ് വിദ്യാര്ത്ഥി ആകാശ് വിജയനാണ്
(19) ആത്മഹത്യ ചെയ്തത്. മണക്കാട് കുര്യാത്തി പട്ടാണിക്കുടി ലൈനില് സിന്ധു നിവാസില് വിജയകുമാര്-സിന്ധു ദമ്പതികളുടെ മകനാണ് ആകാശ്.
സാങ്കേതിക സര്വകലാശാല നടപ്പാക്കാനൊരുങ്ങുന്ന പുതിയ ഈയര് ഔട്ട് പരിഷ്കാര പ്രകാരം ഒരു സെമസ്റ്ററില് നിശ്ചിത ക്രെഡിറ്റ് വിജയിക്കാനായില്ലെങ്കില് അടുത്ത വര്ഷത്തേക്ക് ക്ളാസ് കയറ്റം കിട്ടില്ല. ഒരു വര്ഷം കൂടി ഇരുന്ന് പഠിച്ച് പരീക്ഷയില് വിജയിച്ചെങ്കിലേ അടുത്ത വര്ഷത്തേക്ക് പ്രവേശനം ലഭിക്കുകയുള്ളൂ.
ആദ്യ സെമസ്റ്ററില് ആകാശ് നാല് പേപ്പറിന് പരാജയപ്പെട്ടതായാണ് വിവരം. ഇതാണ് ആത്മഹത്യയ്ക്ക് പ്രേരിപ്പിച്ചതെന്നാണ് പ്രാഥമിക നിഗമനം.
നരുവാമൂട്ടിലെസ്വകാര്യ എന്ജിനിയറിംഗ് കോളേജിലെ വിദ്യാര്ത്ഥിയായ ആകാശ് ബുധനാഴ്ച വൈകുന്നേരം പുറത്തേക്ക് പോകുന്നെന്ന് പറഞ്ഞ് അമ്മയില് നിന്ന് പത്ത് രൂപയും വാങ്ങി സ്കൂട്ടറെടുത്ത് വീട്ടില്നിന്നിറങ്ങി. രാത്രി ഏറെ വൈകിയിട്ടും വീട്ടിലെത്താത്തതിനാല് വീട്ടുകാര് ഫോര്ട്ട് പൊലീസില് പരാതി നല്കി. തുടര്ന്ന് നടത്തിയ അന്വേഷണത്തില് ആകാശിന്റെ സ്കൂട്ടര് തമ്പാനൂര് റെയില്വേ സ്റ്റേഷനില് നിന്ന് കണ്ടെത്തി.
ഇന്നലെ പുലര്ച്ചെ പൗണ്ട്കടവില് യുവാവ് ട്രെയിനിടിച്ച് മരിച്ച വിവരമറിഞ്ഞ് സ്ഥലത്തെത്തിയ ബന്ധുക്കള് മൃതദേഹം തിരിച്ചറിഞ്ഞു. തുമ്പ പൊലീസെത്തി ഇന്ക്വസ്റ്റ് തയ്യാറാക്കിയ മൃതദേഹം മെഡിക്കല് കോളേജ് ആശുപത്രിയില് പോസ്റ്റുമോര്ട്ടത്തിന് ശേഷം ബന്ധുകള്ക്ക് വിട്ടുകൊടുത്തു. തുമ്പ പൊലീസ് കേസെടുത്തു.
https://www.facebook.com/Malayalivartha
