പിറന്നാള് ആഘോഷം തിരിച്ചടിയായി: ടോമിന് തച്ചങ്കരിയെ ഗതാഗത കമ്മീഷണര് സ്ഥാനത്തു നിന്ന് നീക്കി; തീരുമാനം മന്ത്രിസഭായോഗത്തിന്റേത്
ഗതാഗതകമ്മീഷണര് സ്ഥാനത്തു നിന്ന് ടോമിന് ജെ തച്ചങ്കരിയെ മാറ്റി. മന്ത്രിസഭായോഗമാണ് തച്ചങ്കരിയെ സ്ഥാനത്തു നിന്ന് നീക്കാന് തീരുമാനിച്ചത്. മന്ത്രി എ.കെ ശശീന്ദ്രന്റെ പരാതിയെ തുടര്ന്നാണ് തീരുമാനം. തച്ചങ്കരി മന്ത്രിയോട് ആലോചിക്കാതെ ഏകപക്ഷീയമായി തീരുമാനങ്ങള് എടുക്കുന്നതായി ഗതാഗതമന്ത്രി എ.കെ ശശീന്ദ്രന് മുഖ്യമന്ത്രിയോടു പരാതിപ്പെട്ടിരുന്നു. തച്ചങ്കരിയെ സ്ഥാനത്തു നിന്നു മാറ്റണമെന്നും ഗതാഗതമന്ത്രി മുഖ്യമന്ത്രിയോട് ആവശ്യപ്പെട്ടിരുന്നു. പിറന്നാള് ആഘോഷിക്കാന് സര്ക്കുലര് ഇറക്കിയതും പെട്രോളിന് ഹെല്മറ്റ് നിര്ബന്ധമാക്കിയതും അടക്കമുള്ള തീരുമാനങ്ങള് വിവാദമായിരുന്നു.
എഡിജിപി ആനന്ദകൃഷ്ണന് പുതിയ ഗതാഗത കമ്മീഷ്ണര്.
തച്ചങ്കരി ഇടതുസര്ക്കാര് എന്ന പുരക്കു മീതേ ചാഞ്ഞുവെന്ന് ഒറ്റക്കെട്ടായി മന്ത്രിമാര് ഇതോടെ വെട്ടിനീക്കാന് പിണറായിയുടെ നിര്ദ്ദേശം
ഇടതിന്റേയും വലതിന്റേയും വിശ്വസ്തന് പക്ഷേ മന്ത്രിയെ മാനിക്കാത്തത് വിനയായി. എന്നും വിവാദങ്ങളുടെ തോഴന് ഒപ്പം സൂപ്പര് കമ്മീഷ്ണറായുള്ള തീരുമാനങ്ങളും തിരിച്ചടി നല്കി. തച്ചങ്കരിയുടെ സ്ഥാനചലനം പിണറായിയുടെ തീരുമാനം. മന്ത്രിസഭയുടെ തീരുമാനമെങ്കിലും കാബിനറ്റില് തച്ചങ്കരിയെ സഹായിക്കാന് ആരുമെത്തിയില്ല. നിലവില് കെബിപിഎസിന്റെ ചുമതലയാണ് തച്ചങ്കരിക്കുള്ളത്. കമ്മീഷ്ണര് സ്ഥാനത്തെത്തിയ ശേഷം എടുത്ത തീരുമാനങ്ങള് പലതും മന്ത്രിയോട് ആലോചിക്കാതെ നടത്തിയതാണ് തച്ചങ്കരിക്ക് വിനയായത്. ഒടുവില് പിറന്നാള് ആഘോഷം കൂടിയായതോടെ കാര്യങ്ങള് കൈവിട്ടുപോവുകയായിരുന്നു. മന്ത്രിയെ അനുസരിക്കാത്ത ഉദ്യോഗസ്ഥന് എന്ന പേരുകൂടിയായതോടെ പിണറായിക്ക് വഴങ്ങേണ്ടിവരികയായിരുന്നു.
തച്ചങ്കരിയും മന്ത്രിയും തമ്മില് കൊമ്പുകോര്ത്ത വിവാദങ്ങള്
ഹെല്മറ്റ് ഇല്ലാത്തവര്ക്കു പെട്രോളില്ല. ഈ തീരുമാനം അറി!ഞ്ഞില്ലെന്ന് മന്ത്രി എ.കെ.ശശീന്ദ്രന് പറഞ്ഞിരുന്നു. സര്ക്കാര് അഭിഭാഷകന്, െ്രെകംബ്രാഞ്ച്, ഇന്റലിജന്സ് വാഹനങ്ങളിലെ അനധികൃത ബീക്കണ് ലൈറ്റുകള്!ക്കെതിരായ നടപടി. മോട്ടോര് വെഹിക്കിള് ഇന്സ്പെക്ടര്, അസിസ്റ്റന്റ് മോട്ടോര് വെഹിക്കിള് ഇന്സ്പെക്ടര് എന്നിവരുടെ സ്ഥലമാറ്റം പിറന്നാള് ദിനത്തിലെ മധുരവിതരണം ന്മ ഇരുചക്ര വാഹനങ്ങള്ക്കൊപ്പം ഹെല്മറ്റ് നല്കണം മന്ത്രിമാരും ചീഫ് സെക്രട്ടറിമാരും വാഹനങ്ങളില് നമ്പര് പ്ലേറ്റ് വയ്ക്കണം.
https://www.facebook.com/Malayalivartha
