പൂവാര്‍ പുല്ലുവിളയില്‍ തെരുവ് നായയുടെ കടിയേറ്റ് മരിച്ച പുല്ലുവിള ചെമ്പകരാമന്‍ തുറയില്‍ ചിന്നപ്പന്റെ ഭാര്യ ശിലുവമ്മയുടെ കുടുംബത്തിന് അഞ്ചു ലക്ഷം രൂപ നഷ്ടപരിഹാരം നല്‍കാന്‍ മന്ത്രിസഭാ യോഗം തീരുമാനിച്ചു.
പട്ടികടിയേറ്റ് ഗുരുതരമായി പരിക്കേറ്റ പുല്ലുവിള സ്വദേശിനിയായ ഡെയ്‌സിയ്ക്ക് 50,000 രൂപ നല്‍കാനും മന്ത്രി സഭാ യോഗം തീരുമാനിച്ചു. ഇവരുടെ ചികിത്സാ ചെലവ് സര്‍ക്കാര്‍ വഹിക്കുമെന്ന് മന്ത്രി ജലീല്‍ മാദ്ധ്യമ പ്രവര്‍ത്തകരോട് പറഞ്ഞു.
തെരുവ് നായ്ക്കളെ വന്ധ്യം കരിക്കുന്ന നടപടികള്‍ വീഴ്ചയില്ലാതെ നടപ്പിലാക്കും. നിയമപ്രശ്‌നങ്ങളുണ്ടെങ്കിലും സമയബന്ധിതമായി വന്ധ്യംകരണം നടപ്പാക്കുമെന്നും മന്ത്രി അറിയിച്ചു.