മകളെ ശല്യം ശല്യം ചെയ്‌തെന്ന പരാതിക്ക് യാതൊരുവിധ നടപടിയും എടുക്കാത്ത എഎസ്ഐ യുടെ പേരെഴുതി വച്ചതിനു ശേഷം പിതാവ് ജീവനൊടുക്കിയ സംഭവത്തില്‍ പോലീസ് ഉദ്യോഗസ്ഥനെതിരെ ഉടന്‍ നടപടിയെടുക്കുമെന്ന് ഡിജിപി ലോക്‌നാഥ് ബെഹ്റ അറിയിച്ചു. സംഭവത്തില്‍ ഉടന്‍ അന്വേഷണം ആരംഭിക്കുമെന്നും ഡിജിപി അറിയിച്ചു.
ആലപ്പുഴ കോട്ടപ്പള്ളി സ്വദേശി കൃഷ്ണകുമാറാണ് കുടുംബത്തിനും മുഖ്യമന്ത്രിക്കും കത്ത് എഴുതി വച്ച് ആത്മഹത്യാ ചെയ്തത്. അഞ്ച് ദിവസം മുമ്പ് തന്റെ ഭാര്യയും മകളും നല്‍കിയ പരാതിയിന്മേല്‍ തൃക്കുന്നപ്പുഴ അഡിഷല്‍ എസ്ഐ കുഞ്ഞുമോന്‍ പണം വാങ്ങി യാതൊരു നടപടിയും കൈക്കൊണ്ടില്ലെന്ന് കത്തില്‍ പറഞ്ഞിരുന്നു.

കോട്ടപ്പള്ളി അംഗന്‍വാടിക്കു സമീപമുള്ള ഉണ്ണി എന്നയാള്‍ നിരന്തരം ശല്യം ചെയ്യുന്നുവെന്ന് കാണിച്ചാണ് പരാതി നല്‍കിയിരുന്നത്. നടപടി കൈക്കൊള്ളാന്‍ വിമുഖത കാട്ടിയ പൊലീസ് മകനെ മര്‍ദ്ദിക്കുമെന്നും നട്ടെല്ല് ചവിട്ടിയൊടിക്കുമെന്നും മകനെ ഭീഷണിപ്പെടുത്തിയിരുന്നു. ഈ സാഹചര്യത്തിലാണ് കൃഷ്ണകുമാര്‍ കത്തെഴുതിയതിനു ശേശം ആത്മഹത്യാ ചെയ്തത്.