അധ്വാനവര്‍ഗ സിദ്ധാന്തത്തിന്റെ ഇംഗ്ലീഷ്‌ പരിഭാഷ (Beyond Communism- The Theory of Toiling Class) കൊച്ചിയില്‍ പ്രധാനമന്ത്രി ഡോ.മന്‍മോഹന്‍സിംഗിനു ധനമന്ത്രി കെ.എം.മാണി സമര്‍പിച്ചു. 2004ല്‍ തിരുവനന്തപുരത്തു സംഘടിപ്പിച്ച ചടങ്ങില്‍ അന്നു രാജ്യസഭയിലെ പ്രതിപക്ഷ നേതാവായിരുന്ന മന്‍മോഹന്‍സിംഗാണു കെ.എം.മാണിയുടെ `അധ്വാനവര്‍ഗസിദ്ധാന്തം' പ്രകാശനം ചെയ്‌തത്‌. പ്രകാശ ചടങ്ങില്‍ വച്ചു തന്നെ കെ.എം.മാണിയോടു മന്‍മോഹന്‍സിംഗ്‌ അധ്വാനവര്‍ഗസിദ്ധാന്തത്തിന്റെ ഇംഗ്ലീഷ്‌ പരിഭാഷ പ്രസിദ്ധപ്പെടുത്തണമെന്നും തനിക്കു കോപ്പി നല്‌കണമെന്നും ആഗ്രഹം പ്രകടിപ്പിച്ചിരുന്നു. കൊച്ചിയില്‍ വച്ചു നടന്ന ചടങ്ങില്‍ എട്ടുവര്‍ഷങ്ങള്‍ക്കുശേഷം കെ.എം.മാണി അധ്വാനവര്‍ഗസിദ്ധാന്തത്തിന്റെ ഇംഗ്ലീഷ്‌ പരിഭാഷ മന്‍മോഹന്‍സിംഗിനു കൈമാറിയത്‌ ഏറെ ചാരിതാര്‍ത്ഥ്യത്തോടും അഭിമാനത്തോടും കൂടിയാണ്‌.