ശ്രീപത്മനാഭസ്വാമി ക്ഷേത്രത്തിന്റെ സുരക്ഷാമേഖലയില് തീപിടിത്തം; രണ്ട് കെട്ടിടങ്ങള് കത്തിനശിച്ചു
ശ്രീ പത്മനാഭസ്വാമി ക്ഷേത്രത്തിന് സമീപം തീപിടിത്തം.. തീ പൂര്ണമായും നിയന്ത്രണവിധേയമാക്കി. ക്ഷേത്രത്തിന്റെ വടക്കേ നടയ്ക്ക് സമീപമാണ് തീപിടിത്തമാണുണ്ടായത്. ചവറുകൂനയില്നിന്നുമാണ് തീപടര്ന്നിരിക്കുന്നത്. ഇവിടെയുള്ള ഗോഡൗണിനും പോസ്റ്റ് ഓഫീസും പൂര്ണമായും കത്തിനശിച്ചു. രക്ഷാപ്രവര്ത്തനത്തിനിടയില് രണ്ടു പേര്ക്ക് പരിക്കേറ്റു. ഒരു കമാന്ഡോയ്ക്കും അഗ്നിശമനസേനാ ഉദ്യോഗസ്ഥനും പരിക്കേറ്റു. ഇവരെ അടുത്തുള്ള സ്വകാര്യ ആശുപത്രിയില് പ്രവേശിപ്പിച്ചു.
അതീവ സുരക്ഷ മേഖലയിലാണ് തീപിടിത്തമാണുണ്ടായത്. ക്ഷേത്രത്തിന്റെ സുരക്ഷ ജീവനക്കാര് സിസിടിവി ക്യാമറയിലാണ് തീപടര്ന്നത് കണ്ടത്. ഉടന്തന്നെ ഫയര്ഫോഴ്സ് ജീവനക്കാരെ അറിയിക്കുകയായിരുന്നു.
ക്ഷേത്രത്തിലേക്ക് തീ പടര്ന്നു പിടിക്കാതിരിക്കാന് സുരക്ഷാ ജീവനക്കാര് പ്രത്യേകം ശ്രദ്ധിച്ചു. ഇത് നാശനഷ്ടങ്ങള് കുറയ്ക്കുന്നതിന് കാരണമാക്കി. പുലര്ച്ചെ മൂന്നേകാലോടെയാണ് തീപിടുത്തമുണ്ടായിരിക്കുന്നത്. ചവര്കൂനയില് നിന്നും തീപടരുകയായിരുന്നുവെന്നാണ് പ്രഥമീക നിഗമനം.
പ്രദേശത്ത് മാലിന്യം കൂട്ടിയിട്ടിരുന്നതിനെ പറ്റി നേരത്തെയും നാട്ടുകാരുടെ പരാതികള് ഉയര്ന്നിരുന്നു. പോസ്റ്റ് ഓഫീസില് പഴയ പാഴ് വസ്തുക്കള് അടക്കം ചാക്കില്കെട്ടി സൂക്ഷിക്കാറുണ്ട്. തീപടര്ന്നയുടന്തന്നെ അടുത്തുള്ള പെട്രോള് പമ്പുകളും കല്യാണമണ്ഡപങ്ങളും സുരക്ഷിതമാക്കിയത് വന് ദുരന്തം ഒഴിവാക്കി.
കഴിഞ്ഞദിവസം കോഴിക്കോട് മിഠായി തെരുവിലും തീപിടിത്തം ഉണ്ടായിരുന്നു. സംഭവത്തില് അന്വേഷണം നടത്തുമെന്ന് മന്ത്രി പറഞ്ഞു.
https://www.facebook.com/Malayalivartha
