'ഗൂഢാലോചന', അന്വേഷണോദ്യോഗസ്ഥര്ക്കിടയില് ഭിന്നത
അന്വേഷണ വിഷയത്തെക്കുറിച്ച് അന്വേഷണോദ്യോഗസ്ഥര്ക്കിടയില് ഭിന്നത. സാങ്കല്പിക കഥാപാത്രങ്ങളെ തേടണ്ട എന്ന മുഖ്യമന്ത്രിയുടെ പ്രസ്താവനയെ തുടര്ന്ന് കൃത്യമായ തെളിവുകളുടെ പേരില് മാത്രം അന്വേഷണം മുന്നോട്ടു കൊണ്ടു പോയാല് മതിയെന്ന് ഒരു വിഭാഗം പോലീസ് ഉദ്യോഗസ്ഥര് നേരത്തെ തീരുമാനിച്ചിരുന്നു. നടിയുമായി സിനിമാ മേഖലയില് മുമ്പുണ്ടായിരുന്ന തര്ക്കങ്ങളും, സാമ്പത്തിക ഇടപാടുകളും അന്വേഷണ പരിധിയില് ഉള്പ്പെടുത്തണം എന്ന ആദ്യ തീരുമാനം. പാര്ട്ടി ഉന്നതനും, പാര്ട്ടി ബന്ധമുള്ള സിനിമാ താരങ്ങളും ചേര്ന്ന് അട്ടിമറിച്ചുവെന്നാണ് റിപ്പോര്ട്ടുകള്. ചില ഉന്നത പോലീസ് ഉദ്യോഗസ്ഥരും ഈ നീക്കത്തിനു പിന്നിലുണ്ട്.
നടിയെ തട്ടിക്കൊണ്ടു പോകലുമായി പള്സര് സുനിയില് നിന്നും വിവരങ്ങള് ഉന്നതോദ്യോഗസ്ഥര് നേരിട്ടാണ് ശേഖരിക്കുന്നത്. മുഖ്യമന്ത്രി പ്രസ്താവനയില് നിന്ന് മലക്കം മറിയുമ്പോള് വീണ്ടും പ്രതിസന്ധിയിലാകുന്നത് അന്വേഷണോദ്യോഗസ്ഥര്. ചില സിനിമാ താരങ്ങള് മാധ്യമങ്ങള്ക്കെതിരെ തിരിഞ്ഞതും. മാധ്യമ പ്രവര്ത്തകരെ ഫാന്സ് അസോസിയേഷന്റേതെന്ന പേരില് ഗുണ്ടകളെ ഉപയോഗിച്ച് ഭീഷണിപ്പെടുത്താന് ശ്രമിച്ചതുമൊക്കെ ഏറെ സംശയങ്ങളുണര്ത്തുന്നു.
സത്യസന്ധമായ അന്വേഷണത്തെ ആരാണ് ഭയപ്പെടുന്നത്. സിനിമാ ലോകത്തെ താരാധിപത്യവും അധോ ലോക പ്രവര്ത്തനങ്ങളും ചര്ച്ച ചെയ്യപ്പെടേണ്ടതല്ലേ. ഇപ്പോള് മുഖ്യമന്ത്രി ഗൂഢാലോചനയിലേയ്ക്ക് അന്വേഷണം നീളും എന്നു പറയുമ്പോള് രാജ്യം മുഴുവന് ഉറ്റു നോക്കുന്ന ഈ കേസ് വിവാദങ്ങള് കൊണ്ട് നിറയുകയാണ്. ചില താരങ്ങളെ ചോദ്യം ചെയ്തുവെന്നും ഇല്ലെന്നും വ്യത്യസ്ത റിപ്പോര്ട്ടുകള് ഉണ്ടായപ്പോള് തന്നെ അന്വേഷണോദ്യോഗസ്ഥര് വിശദീകരണവുമായി രംഗത്തെത്തിയതും ഇപ്പോള് വിവാദമായിരിക്കുകയാണ്.
സര്ക്കാരിനെതിരെ കടുത്ത വിമര്ശനവുമായി സിപിഎമ്മിലെ തന്നെ പ്രമുഖ നേതാക്കള് രംഗത്തെത്തിക്കഴിഞ്ഞു. ഗൂഢാലോചനയില്ലെന്ന് പറയാനാകില്ലെന്ന് വിഎസ് അച്യുതാനന്ദനും പ്രതികരിച്ചു. അന്വേഷണോദ്യോഗസ്ഥര്ക്കിടിയിലെ ഭിന്നത ഒരു പൊട്ടിത്തെറിയിലേയ്ക്കു നീങ്ങുമോ എന്നാണ് മാധ്യമലോകം ഉറ്റുനോക്കുന്നത്.
https://www.facebook.com/Malayalivartha
