പല തവണ ബലാത്സംഗത്തിനിരയാക്കി. കേട്ടാലറയ്ക്കുന്ന പ്രകൃതി വിരുദ്ധ സെക്സിന് കുട്ടികളെ ഇരയാക്കി. പുറത്ത് വരുന്നത് കേരളം ഭയക്കുന്ന ക്രിമിനല്‍ ലോകത്തിന്റെ ഭീദിതമായ ദൃശ്യങ്ങള്‍. വയനാട്ടിലെ യത്തീംഖാനയിലെ കുട്ടികള്‍ ഇരയായത് ക്രൂരമായ പീഡനത്തിനെന്ന് പി.കെ ശ്രീമതി എം.പി. ഒരിക്കല്‍ പീഡിപ്പിച്ച ശേഷം പിന്നീട് ഇവരുടെ നഗ്‌നചിത്രങ്ങള്‍ എടുത്ത് അവ പ്രസിദ്ധപ്പെടുത്തുമെന്ന് ഭീഷണിപ്പെടുത്തിയായിരുന്നു പിന്നീടുള്ള പീഡനങ്ങളെല്ലാം. ഇക്കാര്യം കുട്ടികള്‍ തന്നോടു പറഞ്ഞതായും പി.കെ ശ്രീമതി മാധ്യമങ്ങളോടു പറഞ്ഞു. യത്തീംഖാനയിലെത്തി കുട്ടികളെ സന്ദര്‍ശിച്ച ശേഷം മാധ്യമങ്ങളോടു സംസാരിക്കുകയായിരുന്നു ശ്രീമതി ടീച്ചര്‍. ഒരു പെണ്‍കുട്ടിയെ ചോക്ലേറ്റ് കാണിച്ച് പ്രലോഭിപ്പിച്ച് പിടിച്ചുവലിച്ച് കൂട്ടിക്കൊണ്ടു പോകുകയായിരുന്നു.

ബാക്കിയുള്ളവരെ മറ്റുള്ളവരും പിടിച്ചുകൊണ്ടു പോയി ബലമായി പീഡിപ്പിക്കുകയായിരുന്നെന്നും ശ്രീമതി ടീച്ചര്‍ പറഞ്ഞു. ആദ്യം ഒരാളെ പിടിച്ചുവലിച്ചു കൊണ്ടുപോയി. പിന്നീട് കൂടെയുണ്ടായിരുന്ന മറ്റു കുട്ടികളെയും കടമുറിക്കുള്ളിലേക്ക് പിടിച്ചു കൊണ്ടുപോകുകയായിരുന്നു. പീഡനത്തിനു ശേഷം കുട്ടികളുടെ നഗ്‌നചിത്രങ്ങള്‍ പകര്‍ത്തുകയും ചെയ്തു. പിന്നീടും ആഴ്ചകളോളം കുട്ടികള്‍ ക്രൂരപീഡനത്തിന് ഇരയായി. ഈ ചിത്രങ്ങള്‍ കാട്ടി ഭീഷണിപ്പെടുത്തിയായിരുന്നു പീഡനം മുഴുവന്‍. പുറത്തുപറഞ്ഞാല്‍ ജീവനോടെ വയ്ക്കില്ലെന്നും ചിത്രങ്ങള്‍ പ്രസിദ്ധപ്പെടുത്തുമെന്നും ഭീഷണിപ്പെടുത്തിയിരുന്നു. പിന്നീടും കുട്ടികളെ ചിത്രങ്ങളുടെ കാര്യങ്ങള്‍ പറഞ്ഞ് ഭീഷണിപ്പെടുത്തി പലവട്ടം വിളിച്ചുവരുത്തി പീഡിപ്പിച്ചു.

ഭയന്നുപോയതിനാല്‍ കുട്ടികള്‍ ആരോടും ഇക്കാര്യം പറഞ്ഞതുമില്ല. പിന്നീട് കഴിഞ്ഞദിവസം കുട്ടികള്‍ കടയില്‍ നിന്ന് ഇറങ്ങിവരുന്നത് കണ്ട സെക്യൂരിറ്റി ജീവനക്കാരന്‍ അധികൃതരെ അറിയിച്ചതനുസരിച്ചാണ് വിവരം പുറത്തായത്. അതേസമയം, കുട്ടികള്‍ പീഡിപ്പിക്കപ്പെട്ടതായി വൈദ്യപരിശോധയിലും തെളിഞ്ഞു. പെണ്‍കുട്ടികള്‍ പീഡനത്തിനിരയായെന്നു സ്ഥിരീകരിച്ച് മെഡിക്കല്‍ റിപ്പോര്‍ട്ട്. പെണ്‍കുട്ടികളെ വൈദ്യപരിശോധനയക്ക് വിധേയമാക്കിയിരുന്നു. ഇതിന്റെ റിപ്പോര്‍ട്ടിലാണ് പെണ്‍കുട്ടികള്‍ പീഡനത്തിന് ഇരയായെന്നു സ്ഥിരീകരിക്കുന്നത്. പീഡനത്തില്‍ 11 കേസുകള്‍ രജിസ്റ്റര്‍ ചെയ്തതായി പൊലീസ് അറിയിച്ചു. കേസില്‍ ആകെ ആറു പ്രതികള്‍ ഉണ്ട്. ഇവര്‍ ആറു പേരും കസ്റ്റഡിയിലാണ്. ഇവര്‍ക്കെതിരെ പോക്സോ അടക്കമുള്ള കുറ്റങ്ങള്‍ ചുമത്തിയാണ് കേസ് രജിസ്റ്റര്‍ ചെയ്തിരിക്കുന്നത്. കല്‍പറ്റ പൊലീസ് ആണ് കേസ് രജിസ്റ്റര്‍ ചെയ്തിരിക്കുന്നത്.

ഇന്നലെയാണ് വയനാട് യത്തീംഖാനയിലെ പ്രായപൂര്‍ത്തിയാകാത്ത പെണ്‍കുട്ടികള്‍ പീഡനത്തിന് ഇരയായെന്ന വാര്‍ത്ത പുറത്തുവന്നത്. ഏഴ്, എട്ട് ക്ലാസുകളില്‍ പഠിക്കുന്ന ചെറിയ കുട്ടികളാണ് പീഡിപ്പിക്കപ്പെട്ടത്. യത്തീംഖാനയ്ക്ക് തൊട്ടടുത്ത കടയിലേക്കു വിളിച്ചുവരുത്തിയായിരുന്നു പീഡിപ്പിച്ചത്. ഏഴു പെണ്‍കുട്ടികളാണ് പീഡനത്തിനിരയായത്. ഹോസ്റ്റലിലേക്കു പോകുംവഴി, കടയിലേക്ക് വിളിച്ചുവരുത്തി ആറുപേരടങ്ങിയ സംഘം പീഡിപ്പിക്കുകയായിരുന്നു. കടയില്‍ നിന്നും കുട്ടികള്‍ പുറത്തേക്കു വരുന്നതുകണ്ട സുരക്ഷാ ജീവനക്കാര്‍, വിവരം അധികൃതരെ അറിയിക്കുകയായിരുന്നു. തുടര്‍ന്ന് നടത്തിയ കൗണ്‍സിലിംഗിലാണ് പീഡന വിവരം പുറത്തുവന്നത്. യത്തീംഖാന വിദ്യാര്‍ത്ഥികള്‍ പീഡിപ്പിക്കപ്പെട്ട സംഭവത്തില്‍ അന്വേഷണവുമായി പൂര്‍ണ്ണമായും സഹകരിക്കുമെന്ന് യത്തീംഖാന മാനേജ്‌മെന്റ് അറിയിച്ചു